I Hinje Ma Wati Na Maa Njavi Wani haŋ i too Wati Na Ma Ngewɔ Isuɛlbleisia Gbuani Iijipt

Numu wayakpa mia lee bawoni ji njavi na wani. Kɛɛ na woma, nunga ti gbotoilɔ gbɔma ndunyi hu. Ji njavi na wani, fo 352 leengɔ woma mia ti Eblaham leni. Ngewɔ ndeilɔ yɛ a ndo ve lɔ Eblaham wɛ, ta ngi loli a Aisak, mua kaa wue lɔ sia i ye na wueni. Mua kaa wue lɔ gbɔma kɔlongɔ Aisak hinga lenga filisia ma, Iisɔɔ kɛ Jekɔb, tao sia Ngewɔ ye loko looni Jekɔb ma.

Jekɔb i hinga lenga 12 lɔ leni tao i nyaha lengeisia bɛ leilɔ. Jekɔb hinga lengeisia ti 10, ti juyailɔ a ti ndii Josɛfi kɛ ti ngi majia Iijiptbla ma. Na woma, Josɛfi woteilɔ a numu wa Iijipt. Ji ndɔlɛ wa gulani, Josɛfi ngi ndengeisia hugɔilɔ kɔ i ti lii hu va gɔɔ. Na kpɛlɛ leengɔ woma, Jekɔb tia ngi mableisia kpɛlɛ ti liilɔ Iijipt. Ji ti Eblaham leni, fo 290 mia leeni, pɛiŋ Jekɔb tia ngi mableisia ta yaa li Iijipt.

Isuɛlbleisia ti yɛ Iijipt fo 215 lɔ va. Ji Josɛfi haani, ti woteilɔ a nduwɔnga Iijipt. Fo lɛnga leengɔ woma, ti Mojisi leilɔ. Ta mia Ngewɔ ngi yayengeni kɔ i Isuɛlbleisia mabawo Iijiptbleisia yeya. Fo 857 gohu mia hindei jisia kpɛlɛ ti wueni Kakei ji yɛpɛ ma kɔlongɔ ma.