Laverite lor Rwayom Bondie
Zezi ti ansegn so bann disip sa lapriyer-la: “Nou Papa ki dan lesiel, ki to nom sanktifie. Ki to Rwayom vini. Ki to volonte fer lor later, parey kouma dan lesiel.” (Matie 6:9, 10, NW) Ki ete Rwayom Bondie? Ki li pe fer? Ek kifer nou bizin priye pou sa Rwayom-la?
Zezi Lerwa dan Rwayom Bondie.
Lik 1:31-33: “To pou apel li Zezi. Li pou bien gran e pou apel li Garson Bondie Treo. Bondie [“Zeova,” NW] . . . pou donn li tronn lerwa David, so anset, e li pou regn toultan lor desandan Zakob; so regn pa pou fini zame.”
Rwayom Bondie ti tem prinsipal predikasion Zezi.
Matie 9:35: “Zezi ti al partou dan Galile, li ti pe ansegne dan zot sinagog, li ti pe proklam Bonn Nouvel Rwayom Bondie. Li ti geri bann dimoun ki ti ena tousort kalite malad.”
Zezi ti donn so bann disip enn sign ki ti pou ed zot kone kan Rwayom Bondie ti pre pou vini.
Mark 13:8: “Pou ena lager, pei kont pei, gouvernman kont gouvernman, pou ena tranblemandeter dan plizir landrwa, pou ena lafaminn.”
Azordi, bann disip Zezi pe pres Rwayom Bondie partou dan lemond.
Matie 24:14: “Bonn Nouvel Rwayom Bondie pou anonse partou dan lemonn, kouma enn temwagnaz pou tou bann nasion; lerla lafin pou vini.”