Essaye Adapté Ou Présentation d’Après Séki Intéresse Bann Dimoune

Essaye Adapté Ou Présentation d’Après Séki Intéresse Bann Dimoune

L’intérêt sincère ki nou éna pou bann dimoune pousse nou pou essaye comprend zot bann besoin, ek pou montré zot couma Royaume Bondié pou réglé tou zot bann problème. (Phil. 2:4) Enn méthode facile pou aborde enn dimoune, ki beaucoup proclamateur trouve efficace, c’est invite li pou dire séki li pensé lor bann zimage ki représente Paradis dans nou bann publication, couma par exemple bann ki’nn cité dans colonne à droite lor sa page-la. Ou kapav servi enn parmi sa bann introduction-la:

◼ “Eski ou pensé ki enn jour nou pou trouve tou dimoune vive dans bann condition pareil couma nou trouvé dans sa zimage-la?”

◼ “Nou tou ti pou content ki nou zenfant vive dans enn lé-monde pareil couma séki éna lor sa zimage-la. Ki ou pensé nou bizin faire pou sa arrivé?”

◼ “Sa c’est enn zimage ki montré couma la terre pou été kan volonté Bondié pou faire lor la terre pareil couma dans le ciel. Eski ou remark kitsoz ki différent avec séki nou pé trouvé zordi?”

◼ “Eski ou ti pou content vive dans bann condition, pareil couma dans sa zimage-la? [Laisse dimoune-la réponn.] Eski ou pensé ki sa pou arrivé pendant ki nou encore vivant?”

Écoute bien séki dimoune-la réponn, ek après pose li encore enn ou deux question pou koné ki li pensé. Si certain dire ki zot pa ti pou content vive dans sa bann condition-la, ou-soit zot pa croire ki sa pou arrivé, fodé pa croire tout-de-suite ki zot pa intéresé. Avec tact essaye demann zot kifer zot pense coumsa. Séki zot dire kapav montré ki zot pé tracassé à cause bann problème ki éna dans le monde ek ki parette péna solution.—Ézék. 9:4.

Adapté ou présentation, à mesure ki ou remarque séki tracasse dimoune-la vrai-mem. Attire so l’attention lor enn partie nou message ki concerne pli directement so bann besoin. Montré li enn ou deux verset la-Bible ki koz lor sa sujet ki tracasse li-la. (Guette bann l’idée ki éna dans colonne à droite.) Laisse li trouvé personnellement séki Parole Bondié dire. Si li montré l’intérêt, offer li enn publication, ek prend rendez-vous pou ré-visite li. Nou développe so l’intérêt à partir conversation ki nou ti gagné au commencement.

[Encadré page 6]

Bann Zimage Ki Représente Paradis

Livre Création: page 237, 243, 251

Livre Enseignant: page 251-4

Livre Connaissance: page 4-5, 188-9

Brochure Attend: page 11, 13

Livre Paix véritable: page 98

Livre Adore Sel Vre Bondye: page 92-3

[Encadré, page 6]

Bann Sujet Ki Tracasse Dimoune

Corruption, l’injustice

Isaïe 9:6, 7;