Garde Bien
Bann Présentation Ki Kapav Servi Dans Prédication
Servi sa bann suggestion-la pou prépare ou bann presentation pou propose bann publication ki pou offert pendant le mois.
Approchez-vous de Jéhovah
“Beaucoup dimoune ki croire en Bondié ti pou content senti-zot pli proche avec Li. Eski ou koné ki Bondié invite nou pou vinn proche ar Li? [Lire Jacques 4:8.] Sa livre-la finn publié pou aide bann dimoune servi zot propre la-Bible pou vinn proche ar Bondié.” Lire paragraphe 1 lor page 16.
“Zordi éna l’injustice partout. Li pareil couma finn décrire dans sa verset-la. [Lire Ecclésiaste 8:9b.] Beaucoup demann-zot si Bondié pé prend compte mem séki pé arrivé. [Lire deux premier phrase dans paragraphe 4 lor page 119.] Sa chapitre-la expliké kifer Bondié inn permette l’injustice ziska asterla.”
Y a-t-il un Créateur qui se soucie de vous?
“Kot-sa nou kapav trouve bann pli bon conseil pou réglé bann problème ki fatigue nou beaucoup? [Laisse dimoune-la réponn. Après sa lire Matthieu 7:28, 29.] Sa bann verset-la montré nou couma bann dimoune ti réagir kan zot ti écoute Sermon sur la Montagne ki Jésus ti prononcé. Remarqué séki lézot dimoune finn dire. [Montré bann commentaire ki trouve lor page 152.] Sa chapitre-la koz lor la-vie ek l’enseignement Jésus.”
“Eski ou’nn déjà demann-ou: ‘Si éna enn Bondié ki existé, eski enn jour Li pou faire kitsoz pou tire souffrance ek l’injustice dans le monde?’ [Laisse dimoune-la réponn. Après sa lire Révélation 21:3, 4.] Sa livre-la explik nou séki Bondié pou faire pou soulage nou ar la-souffrance ek mem pou retire bann kitsoz ki cause la souffrance.” Montré chapitre 10.
Contigne Veillé!
“Beaucoup dimoune tracassé ek pé gagne choque à cause bann problème grave ek bann l’événement ki pé arrivé zordi. [Cite enn l’exemple ki’nn arrivé dans l’endroit.] Eski ou koné ki sa bann kitsoz-la forme partie dans enn signe ki montré ki bientôt gouvernement Bondié pou prend contrôle lor la terre? [Laisse dimoune-la réponn. Après sa lire enn texte ki adapté, par exemple Matthieu 24:3, 7, 8; Luc 21:7, 10, 11; ou 2 Timothée 3:1-5.] Sa brochure-la montré nou kifer li bien important ki nou reste lor nou garde ek prend kont signification bann l’événement, asterla.”
“Beaucoup dimoune pé gagne choque ar sa bann kitsoz ki pé déroulé dans sa lé-monde-la ou-soit kan zot-mem zot inn vive bann situation bien terrible. Certain dimoune demandé kifer Bondié pa faire nanyin pou empêche sa bann kitsoz-la. La Bible donne nou l’assurance ki bientôt Bondié pou faire kitsoz pou soulage souffrance bann dimoune. [Lire Révélation 14:6, 7.] Guetté ki pou arrive l’humanité kan Bondié pou faire so jugement. [Lire 2 Pierre 3:10, 13.] Sa brochure-la donne nou plus renseignement lor sa sujet important-la.”
Konesans Ki Amenn ver Lavi pu Tuletan
“Si invite ou pou vive dans enn joli place coumsa, eski ou ti pou accepté sa l’invitation-la? [Montré zimage ki trouve lor page 4-5, ek laisse dimoune-la réponn.] Parole Bondié dire nou séki nou bizin faire pou kapav vive dans sa bann condition-la pou touletan. [Lire Jean 17:3.] Sa livre-la pou aide ou gagne enn connaissance ki pou amène vers la vie éternelle.” Faire l’arrangement pou examine cinq premier paragraphe dans chapitre 1 dans ou prochain visite.
Montré zimage ki trouve lor page 188-9, ek lire commentaire ki trouve là-haut, et après demann dimoune-la: “Eski ou ti pou content vive dans Paradis, kan connaissance Bondié pou rempli la terre entier? [Laisse dimoune-la réponn. Après sa lire Isaie 11:9.] Sa livre-la pou aide ou konn séki la Bible dire lor Paradis ek couma nou kapav forme parti ladan.” Faire l’arrangement pou discute paragraphe 11-16 dans chapitre 1 dans ou prochain visite.
Écoute le Grand Enseignant
“Eski ou pensé ki la vie lor la terre ti pou pli bon si bann dimoune ti mette en pratik sa bann parole-la? [Lire Matthieu 7:12a. Laisse dimoune-la réponn.] Dans sa livre-la, nou trouve bann leçon ki pli grand enseignant ki’nn vive lor la terre, inn donné.” Attire l’attention lor bann zimage ek bann commentaire ki trouve dans chapitre 17.
“Beaucoup parent zordi essaye grave bann bon principe moral dans léker zot bann zenfant. Eski ou pensé ki c’est enn kitsoz important? [Laisse dimoune-la réponn. Après sa, lire Proverbes 22:6.] Remarké ki bann parent encouragé pou commence forme zot zenfant depuis ki zot encore tipti. Sa livre-la finn écrire pou aide bann parent dans sa domaine-la.” Attire l’attention lor bann zimage ek question ki trouve près avec bann zimage, dans chapitre 15 ou-soit 18.
“Souvent bann parent étonné par bann question ki zot zenfant pose zot. Défois éna certain question ki difficile pou réponn, pa vrai? [Laisse dimoune-la réponn. Après sa, lire Éphésiens 6:4.] Sa livre-la kapav aide bann parent pou réponn bann question ki zot zenfant posé zordi.” Attire l’attention lor certain zimage ek bann question ki trouve près avec bann zimage, dans chapitre 11 ek 12 ou-soit 34-36.
La vie : comment est-elle apparue ? Évolution ou création ?
“Nou tou nou troublé à cause crime ek violence ki éna dans nou l’endroit. Eski ou pensé ki éna enn kikenn ki kapav réglé sa bann problème-la? [Laisse dimoune-la réponn.] Bondié Li, Li éna enn solution!” Ouver livre-la page 196; lire ek faire enn commentaire lor Proverbes 2:21, 22 dans paragraphe 19. Montré titre chaptre 16, ek propose livre-la.
Ouver livre-la page 6, ek dire: “Beaucoup dimoune pensé ki nou joli planète ek la vie ki existé lor la, finn vinn par hasard. Eski ou trouve sa explication-la logik, ou? [Laisse dimoune-la réponn.] Éna enn quantité preuve ki prouve séki la Bible dire concernant enn Créateur ki pa zis bien puissant, mais ki aussi éna beaucoup l’amour pou nou. Li-mem vrai Bondié, ek Li appelle Jéhovah.” Lire Psaume 83:18, et explik sans rente dans bann détail, couma Bondié envie transforme la terre entier pou faire li vinn enn paradis.
L’humanité à la recherche de Dieu
“Avec sa quantité religion ki existé zordi-la, eski ou’nn déjà demann-ou couma nou kapav koné lékel ki Bondié accepté?” Laisse dimoune-la réponn, après sa, ouver ou livre lor page 377 et attire l’attention lor point numéro 7. Ensuite demann dimoune-la si li d’accord ki la vrai religion bizin faire bann dimoune tou race vive dans l’unité. Guette enn verset ki’nn cité ek, si lé-temps permette, discute enn l’autre point ki éna lor la liste. Si dimoune-la montré enn l’intérêt sincère, offer livre-la. Kan ou pé quitte dimoune-la, ou kapav demann li: “Ki l’effet vrai religion bizin éna lor conduite enn dimoune?” Faire l’arrangement pou faire enn nouvelle visite pou kapav réponn sa question-la.
Si enn dimoune dire ki li pratique enn parmi bann grand religion, ou kapav dire li: “Li intéréssant pou joinde bann dimoune ki pratik différent religion. Bann dimoune rod Bondié dans différent façon. [Si li approprié lire Actes 17:26, 27.] Souvent, bann dimoune pratique religion zot parent. [Lire paragraphe 12 lor page 8.] Kan nou aprann plus lor bann lézot religion, sa aide nou pou comprend lézot pli bien ek en mem temps nou gagne plus connaissance. Sa livre-la koz lor l’origine, lor bann pratik et lor l’enseignement bann grand religion dans le monde.” Montré enn l’exemple parmi bann renseignement ki éna dans livre-la concernant religion sa dimoune-la. Ou kapav guette lor sa bann page-la: Sikhisme (100-1); Hindouisme (116-17); Bouddhisme (141); Taoïsme (164-6); Confucianisme (177); Shintoïsme (190-5); Judaïsme (220-1); ek Islam (289).
La Révélation : le grand dénouement est proche !
“Sûrement ou’nn tann koz lor [mentionne enn kitsoz ki’nn fék arrivé]. Kan dimoune perdi zot la-vie enn coup coumsa, beaucoup dimoune demann zot couma zot kapav console sa bann famille ki en deuil-la. Ki ou pensé?” Laisse dimoune-la réponn. Après sa, ouver livre-la page 299, et montré zimage lor la résurection. Contigné: “Beaucoup étonné ki bann dimoune juste ek pa juste toulé-deux pou ressuscité dans paradis lor la terre. [Lire Actes 24:15 couma li cité dans paragraphe 9 lor page 297, ek ensuite donne explication ki trouve dans paragraphe 10.] Sa livre-la koz lor plusieurs lézot détail intéressant concernant bann kitsoz ki Bondié pou faire dans l’avenir.”
La Bible : Parole de Dieu ou des hommes ?
“Nou pé vive enn l’époque kot presque tou dimoune éna bann problème grave. Beaucoup tourne zot vers tou sorte qualité conseiller. Certain al kot bann traitère pou rod l’aide. Ki koté ou pensé nou kapav gagne bann bon conseil ki pou vrai-mem aide nou? [Laisse dimoune-la réponn.] La Bible dire enn kitsoz important ki nou tou bizin comprend. [Lire 2 Timothée 3:16. Après sa ouver page 187, ek lire paragraphe 9.] Sa livre-la pou aide ou trouvé couma, kan nou mette en pratik bann conseil Biblik, sa donne toujours bann bon résultat.”
Le plus grand homme de tout le temps
“Dans sa periode Noël-la, beaucoup dimoune pé pense Jésus. Mais, kan zot trouve tou sa mauvais kitsoz ki pé arrivé partout dans sa lé-monde-la, certain kitfois demann-zot si Jésus li, li vrai-mem prend nou compte. Ki ou pensé, ou?” Laisse dimoune-la réponn. Ouver livre-la chapitre 24, ek montré, sans rente dans trop détail, kifer Jésus ti vinn lor la terre. Après sa lire Jean 15:13, et surtout montré dimoune-la ki, Jésus manifesté enn l’amour sincère pou bann dimoune.
“Kan kikenn koz lor Jésus Christ, beaucoup dimoune mazinn li couma enn ti-baba ou-soit couma enn kikenn ki pé souffer ek ki près pou mort. Kan zot pense Jésus, zot mazinn zis so naissance ek so la-mort. Souvent bann dimoune pa prend compte séki li ti dire ek bann kitsoz extraordinaire ki li ti faire dans so la-vie. Séki li’nn accompli concerne chaque dimoune ki finn existé lor sa la-terre-la. À cause sa, li bien important ki nou rod konn maximum ki nou kapav lor bann kitsoz extraordinaire ki li’nn faire pou nou.” Lire Jean 17:3. Montré premier page introduction dans livre-la et lire quatrième paragraphe.
Ki Bondye Pe Demann Nu?
“Eski ou pensé ki Bondié ti souhaité trouve nou dans sa bann difficulté ki nou gagné zordi-la? [Laisse dimoune-la réponn. Après sa lire Matthieu 6:10.] Eski ou’nn déjà réfléchi, ki été vrai-mem Royaume Bondié?” Ouver brochure-la lor leçon 6, ek lire bann question ki trouve là-haut. Après sa, examine enn leçon ou-soit prend rendez-vous pou examine sa dans prochain visite.
“Mem si finn éna beacoup progrès dans la société moderne, la maladie ek la mort pé toujours faire bann dimoune souffer ek chagrin. Eski ou koné, ki Jésus pou faire pou bann dimoune malade, bann agé, et mem bann mort?” Laisse dimoune-la réponn. Si li interesé pou konn la réponse, ouver leçon 5, ek lire bann question pou paragraphe 5-6. Examine bann paragraphe-la, ou-soit faire l’arrangement pou examine sa dans prochain visite.
Adore Sel Vre Bondye
“Ki koté ou pensé nou kapav gagne l’aide pou faire face ar bann pression ki nou gagné dans la vie? [Laisse dimoune-la réponn. Après sa lire Romains 15:4.] Remarké ki la Bible donne nou conseil, récomforte nou ek donne nou l’espoir, séki kapav fortifié nou pou faire face ar bann difficulté. Sa livre-la donne nou bann bonn conseil ki kapav aide nou pou tire profit kan nou lire la Bible.” Attire l’attention lor quatre point ki mentionné lor page 30.
“Depuis l’époque ki Jésus ti lor la terre, beaucoup dimoune finn prié ki Royaume Bondié vini. Eski ou’nn déjà demann ou séki Royaume Bondié pou faire pou l’humanité? [Laisse dimoune-la réponn. Après sa lire Daniel 2:44.] Sa livre-la expliké ki été Royaume Bondié ek ki li pou faire. Li aussi montré nou couma nou kapav tire profit kan li pou dirige la terre dans la justice.” Montré zimage ki trouve page 92-3.