(1) Question, (2) verset, ek (3) chapitre

Enn fason bien simple pou presente livre Ki la Bible enseigné vrai-mem? c’est (1) pose enn question pou konn seki dimoune-la pensé, (2) lire enn verset approprié, ek (3) attire l’attention lor enn chapitre ki koz lor sa sujet-la, ek lire bann question ki ena au commencement, zis apré titre. Si enn dimoune montré l’interet, kitfois ou pou kapav servi bann premier paragraphe pou montré li couma enn l’etude la Bible deroulé. Ou kapav servi sa method-la kan ou pé preché ou-soit kan ou pé faire enn nouvelle visite.

◼ “Eski ou pensé ki li possible pou bann simple dimoune arrivé konn nou Createur, pareil couma la Bible dire ici?” Lire Actes 17:26, 27, ek laisse dimoune-la reponn. Apré sa attire so l’attention lor chapitre 1.

◼ “Avek tou sa bann problem ki ena zordi-la, eski ou pensé ki li possible pou trouve reconfort ek l’espoir ki’nn decrire ici?” Lire Romains 15:4, ek laisse dimoune-la reponn. Apré sa attire so l’attention lor chapitre 2.

◼ “Si ou ti ena pouvoir, eski ou ti pou faire sa bann changement-la?” Lire Révélation 21:4, ek laisse dimoune-la reponn. Apré sa attire so l’attention lor chapitre 3.

◼ “Eski ou pensé ki enn jour nou bann zenfant pou kapav vive dan sa bann condition ki decrire dan sa verset-la?” Lire Psaume 37:10, 11, ek laisse dimoune-la reponn. Apré sa attire so l’attention lor chapitre 3.

◼ “Eski ou pensé ki enn jour sa bann parole-la pou realisé?” Lire Isaïe 33:24, ek laisse dimoune-la reponn. Apré sa attire so l’attention lor chapitre 3.

◼ “Eski ou’nn deja demann-ou si bann dimoune mort koné ki bann dimoune vivant pé faire?” Laisse dimoune-la reponn. Apré sa lire Ecclésiaste 9:5, ek attire so l’attention lor chapitre 6.

◼ “Eski ou pensé ki enn jour li pou possible pou nou retrouve bann ki nou ti content mais ki’nn mort, pareil couma Jésus finn dire dan sa bann verset-la?” Lire Jean 5:28, 29, ek laisse dimoune-la reponn. Apré sa attire so l’attention lor chapitre 7.

◼ “Couma eski ou pensé li pou possible ki volonté Bondié faire lor la terre pareil couma dan le ciel, couma sa la-priere-la dire?” Lire Matthieu 6:9, 10, ek laisse dimoune-la reponn. Apré sa attire so l’attention lor chapitre 8.

◼ “Eski ou pensé nou pé vive dan sa lepok ki finn decrire dan sa verset la Bible-la?” Lire 2 Timothée 3:1-4, ek laisse dimoune-la reponn. Apré sa attire so l’attention lor chapitre 9.

◼ “Beaucoup dimoune demann-zot kifer pli allé bann problem pé vinn pli pire. Eski ou pensé ki seki sa verset-la dire, li possible?” Lire Révélation 12:9, ek laisse dimoune-la reponn. Apré sa attire so l’attention lor chapitre 10.

◼ “Eski ou finn deja envie konn reponse pou enn question coumsa?” Lire Job 21:7, ek laisse dimoune-la reponn. Apré sa attire so l’attention lor chapitre 11.

◼ “Eski ou pensé ki si bann dimoune mette sa conseil la Bible-la en pratik, sa kapav aide zot pou amenn enn la-vie famille ki heureux?” Lire Éphésiens 5:33, ek laisse dimoune-la reponn. Apré sa attire so l’attention lor chapitre 14.

Si apré ki ou’nn montré enn dimoune couma enn l’etude la Bible deroulé, ou’nn faire l’etude encore deux fois avek li, ek ou pensé ki l’etude-la pou contigné, ou kapav remette enn rapport.