Enn l’exemple pou bann jeune ek agé toulé-deux
Li ti bien proche avek Bondié. Li ti consacré so la-vie pou faire volonté Jéhovah. Li “ti marche avek vrai Bondié,” ek Bondié ti beni li pou sa. Kisannla sa? Noé. Oui, Noé finn laisse enn bon l’exemple ki bann jeune ek agé toulé-deux kapav imité. (Gen. 6:9) Video Noé : il marchait avec Dieu pou donne ou enn l’idée couma la vie ti été dan lepok Noé, kifer li ti merite benediction Jéhovah, ek couma ou kapav imite bann bon qualité ki li ti ena.
Format DVD sa video-la ena enn quiz. Guette sa video-la, ek apré essaye reponn bann question ki trouve dan sa quiz-la: (1) Ki mauvais conduite certain ange ti ena, ek kisannla bann Nephilim ti été? (Gen. 6:1, 2, 4) (2) Kifer bann dimoune ti vinn bien mauvais coumsa, ek ki Bondié ti ressenti kan Li ti trouve sa? (Gen. 6:4-6) (3) Couma eski Noé ti different? (Gen. 6:22) (4) Couma eski bann mauvais dimoune ti detruire? (Gen. 6:17) (5) Ki grandeur l’arche ti été? (Gen. 6:15) (6) Ki lot kitsoz Noé ti faire, ek couma eski bann dimoune ti reagir? (Mat. 24:38, 39; 2 Pierre 2:5) (7) Comié zanimo chaque espece Noé ti mette dan l’arche? (Gen. 7:2, 3, 8, 9) (8) Pendant comié lé-temps la pluie ti tombé, ek pendant comié lé-temps la terre ti couvert partout ar de l’eau? (Gen. 7:11, 12; 8:3, 4) (9) Kifer Noé ek so famille ti sapé dan deluge? (Gen. 6:18, 22; 7:5) (10) Apré deluge, kot-sa l’arche ti posé? (Gen. 8:4) (11) Couma Noé ti koné ki zot ti kapav sorti dan l’arche? (Gen. 8:6-12) (12) Ki Noé ti faire kan li ti sorti dan l’arche? (Gen. 8:20-22) (13) Ki l’arc-en-ciel representé? (Gen. 9:8-16) (14) Ki sa vedir ‘marche avek Bondié’? (Gen. 6:9, 22; 7:5) (15) Ki nou bizin faire pou nou kapav trouve Noé dan Paradi? (Mat. 28:19, 20; 1 Pierre 2:21)
Sa recit la Bible-la koz lor fidelité ek l’obeissance Noé. Dapré seki ou’nn aprann ladan, couma ou aussi ou kapav ‘marche avek Bondié’ ek ena confiance ki Jéhovah kapav sauve so bann serviteur dan lepok modern?—Gen. 7:1; Prov. 10:16; Héb. 11:7; 2 Pierre 2:9.