Bann Kantik Donn Nou Kouraz

Kan zot ti dan prizon, Pol ek Silas ti sant bann kantik pou loue Bondie. (Zis 16:25) Dan nou lepok, bann frer ek ser ti sant bann kantik kan zot ti dan kan konsantrasion Sachsenhausen dan l’Allemagne Nazi ek kan zot ti an exil dan Sibérie. Sa bann lexanp-la montre nou ki kantite bann kantik kapav donn kouraz bann Kretien kan zot pe fer fas ar bann leprev.

Boukou lang biento pou gagn zot nouvo liv kantik ki apel “Sant Avek Lazwa” pou Zeova. Deswit kouma nou gagn nou liv kantik, esey sant sa bann kantik-la pandan nou ladorasion an fami pou aprann zot bann parol par-ker. (Ef 5:19) Lerla, lespri sin pou ed nou rapel sa bann kantik-la kan nou pe pas par bann leprev. Bann kantik kapav ed nou pou res konsantre lor nou lesperans. Zot kapav donn nou kouraz pou andir bann leprev. Ek mem kan nou moral bon, bann parol ankourazan dan bann kantik fer nou “sant avek lazwa” parski nou leker dan lazwa. (1Kro 15:16; Ps 33:1-3, NW.) Anou fer tou pou servi bien nou bann kantik!

GET VIDEO UN CANTIQUE INSPIRÉ PAR DES PRISONNIERS. APRE REPONN SA BANN KESTION-LA:

• Ki kitsoz ti pous Frer Frost pou konpoz enn kantik?

• Kouma sa kantik-la ti ankouraz bann frer dan kan konsantrasion Sachsenhausen?

• Dan nou lavi toulezour, kouma bann kantik kapav donn nou kouraz?

• Ki kantik ou ti pou kontan aprann par-ker?