Zezi “Ti Aprann Lobeisans”

Zezi inn touletan obeir Zeova. (Zan 8:29) Alor, kifer Labib dir ki “li ti aprann lobeisans ar bann kitsoz ki ti fer li soufer”?—Ebre 5:8.

Kan li ti lor later, Zezi ti pas par bann sitiasion ki pa ti ena dan lesiel. Par exanp, mem si so bann paran ti kontan Zeova, zot ti inparfe. (Lik 2:51) Bann sef relizie ek bann ofisie gouvernman ki ti bien move, ti tret li dan enn move fason. (Mat. 26:59; Mark 15:15) Anplis, li ti bien soufer avan so lamor. Labib dir: “Li ti abes limem, ek li ti obeir ziska lamor.”—Fil. 2:8.

Sa bann sitiasion-la ti fer Zezi “aprann lobeisans” dan enn nouvo fason, setadir dan enn fason ki zame li pa ti aprann kan li ti dan lesiel. Akoz sa, limem meyer Lerwa ek Gran Pret ki nou kapav gagne, parski li vremem konpran nou. (Ebre 4:15; 5:9) Apre ki Zezi “ti aprann lobeisans ar bann kitsoz ki ti fer li soufer,” li ti ena plis valer pou Zeova. Nou osi, si nou kontign obeir Zeova kan nou gagn bann difikilte, nou pou ena plis valer pou Li ek nou pou pli itil dan ninport ki responsabilite ki Li donn nou.—Zak 1:4.