REPONS POU BANN KESTION BIBLIK
Ki bienfe nou kapav gagne gras-a lamor Jésus?
Kan Bondie ti kree bann dimounn, Li ti anvi zot viv pou touletan lor later, san ki zot soufer akoz maladi ouswa lamor. Me, premie zom Adam, inn dezobeir so Kreater ek li’nn perdi sa posibilite-la. Antan ki so bann desandan, nou’nn erit lamor ki li’nn transmet nou. (Romains 5:8, 12; 6:23) Vre Bondie Jéhovah inn avoy So Garson, Jésus, lor later pou ki li mor ek pey enn pri pou regagn seki Adam inn perdi.—Lir Jean 3:16.
Jésus inn mor pou ki nou tou nou gagn posibilite pou viv pou touletan. Dapre ou, kouma lavi pou ete kan nou pou viv pou touletan lor later?
Gras-a lamor Jésus nou gagn pardon nou bann pese ek posibilite pou viv pou touletan lor later. Labib donn nou enn lide kouma lavi pou ete lor later kan nou pou nepli afekte par vieyes, maladi, ek lamor.—Lir Isaïe 25:8; 33:24; Révélation 21:4, 5.
Ki nou bizin fer pou rapel lamor Jésus?
Lanwit avan li mor, Jésus ti dir so bann disip komemor so lamor atraver enn ti seremoni. Kan nou fer sa sak lane, sa donn nou lokazion pou reflesi ki kantite Jésus ek Jéhovah kontan tou dimounn.—Lir Luc 22:19, 20; 1 Jean 4:9, 10.