Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • w15 1/5 p. 6-8
  • Eski Lafin Pre?

Pena video ki disponib pou seki ou finn swazir.

Sori, enn erer inn anpes sa video-la zwe.

  • Eski Lafin Pre?
  • Latour Degard Pe Anons Rwayom Zeova—2015
  • Soutit
  • Lor Mem Size
  • LEPOK PLI INPORTAN DAN LISTWAR LIMANITE
  • Kan Eski Lafin sa Lemond-la Pou Arive? Seki Zezi Ti Dir
    Latour Degard Pe Anons Rwayom Zeova (Edision Piblik)—2021
  • Reponse pou quatre question concernant la fin
    La Tour de Garde pé annonce Royaume Jéhovah—2010
  • Ki Tousala Montré Nou?
    Contigne veillé!
  • Eski nou pé vive dan bann “dernier jour”?
    Ki la Bible enseigné vrai-mem?
Rod Plis
Latour Degard Pe Anons Rwayom Zeova—2015
w15 1/5 p. 6-8

LARTIK KOUVERTIR

Eski Lafin Pre?

Eski Bondie pou les bann dimounn kontign dominn sakenn so kamarad ek menas lavenir limanite? Non, kouma nou’nn gete, Li pou intervenir ek Li pou tir tou soufrans ek linzistis ki bann dimounn inn kone pandan plizir siek. Eski ler kot Bondie pou pran bann aksion pe koste? Kreater bann dimounn ek later anvi fer ou konn sa. Kouma Li revel nou sa linformasion bien inportan la?

Anou pran enn lexanp: Kan ou vwayaze dan loto, kitfwa ou rod bann ransegnman lor Internet, get bann map, ek bann plan ki ena lor papie. Apre kan ou trouv bann pano indikasion ek bann reper match avek ransegnman ki ou ena, sa rasir ou ki ou pe apros plas kot ou pe ale. Li parey, Bondie inn donn nou so Parol ki dekrir bann levennman extraordiner ki pe arive dan lemond. Kan nou trouv sa bann levennman ki koumadir bann reper la pe realize, sa konvink nou ki nou pe viv dan lepok ki amenn ver lafin.

Labib explike ki lemond pou konn enn lepok ki zame pa finn ena avan, enn lepok kritik ki pou fini kan lafin vini. Pandan sa letan-la pou ena plizir levennman ek sitiasion mondial ki pou arive anmemtan ek ki diferan avek tou seki’nn arive dan listwar. Anou gete ki Parol Bondie inn predir.

1. BOULVERSMAN DAN LEMOND Enn profesi ki trouv dan Matie sapit 24 sit enn lalis bann levennman ki pou arive lor later ek ki form parti dan enn sign. Sa sign-la pou montre ki nou pe viv “konklizion sa sistem-la” ek pou amenn ver lepok kot “lafin pou vini.” (Verse 3, 14, NW.) Parmi pou ena bann gran lager, lafaminn, tranbleman-de-ter dan enn landrwa apre lot, bann pratik ki kont lalwa ki pou ogmante, bann dimounn ki mank lamour, ek bann sef relizie pou rod anbet dimounn. (Verse 6-26) Biensir, dan enn sertenn fason, ti ena sa bann levennman-la pandan plizir siek. Me amezir ki lafin koste, tousala pou arive dan enn mem lepok trouble. Ansam avek sa bann levennman-la pou ena osi trwa lezot indikasion.

2. LATITID BANN DIMOUNN Labib dir ki dan “bann dernie zour”​—peryod letan ki amenn ver lafin​—latitid bann dimounn pou vinn deplizanpli pir. Li dir: “Bann dimounn pou kontan zotmem, pou kontan kas, pou vantar, pou ena lorgey, pou koz an mal lor lezot ek lor Bondie, pou dezobeir zot paran, pou ingra, zot pa pou fidel, zot pa pou ena okenn lafeksion natirel, zot pa pou dakor ant zotmem, zot pou met bann fos akizasion lor lezot, zot pa pou konn kontrol zot, zot pa pou ena okenn pitie, zot pa pou kontan seki bon, zot pou bann tret, zot pou ena latet dir, zot pou ranpli ar lorgey, zot pou kontan plezir plito ki Bondie.” (2 Timote 3:1-4, NW.) Li vre ki mank respe pou bann dimounn li pa nouvo. Me dan “bann dernie zour” sa latitid-la pou vinn telman pir ki kapav dekrir sa peryod-la kouma “bann lepok kritik, difisil pou siporte.” Eski ou finn remarke ki bann dimounn ena sa vilin tandans-la?

3. BANN DIMOUNN PE DETRIR LATER Labib dir ki Bondie pou “detrir bann ki detrir later.” (Revelasion 11:18) Dan ki fason eski bann dimounn ti pou detrir later? Labib dir ki dan lepok Noe osi ti parey: “Vre Bondie ti trouve ki later ti’nn degrade, ek ti ranpli ar violans. Wi, Bondie ti get later ek vremem li ti’nn degrade.” Alor Bondie ti dir pou sa sosiete koronpi la: “Mo pe detrir zot.” (Zenez 6:11-13) Eski ou’nn remark sa kantite prev ki montre ki later pe ranpli ar violans la? Anplis, kontrerman ar avan, azordi bann dimounn ena vremem kapasite pou detrir later ek tou dimounn ki lor la. Zot ena bann zarm ki bizin pou fer sa. Ek ena enn lot fason ankor ki zot pe detrir later. Bann sik natirel ki permet ena lavi lor later​—ler ki nou respire, ekosistem bann plant ek zanimo, bann losean​—pe kontign degrade akoz bann dimounn pa pe pran kont lanvironnman kouma bizin.

Demann oumem: ‘San-t-an avan, eski bann dimounn ti ena sa pouvwar pou detrir zotmem la?’ Me azordi bann dimounn kapav fer sa parski zot ena bann zarm pli avanse ek zot pe detrir lanvironnman. Li paret ki sa devlopman rapid ki ena dan domenn teknolozi la pe depas bann dimounn zot kapasite pou konpran ek kontrol bann konsekans. Selman, li pa dan lame bann dimounn pou desid ouswa kontrol lavenir later. Avan mem ki zot reisi detrir tou lavi ki ena lor later, Bondie pou pran aksion ek pou detrir bann ki pe detrir later. Sa se so promes!

4. ENN TRAVAY PREDIKASION DAN LEMOND ANTIE Labib ti predir enn lot eleman ki form parti dan sign lafin. Li ti predir ki pou ena enn travay predikasion kouma zame pa finn ena avan: “Bonn Nouvel Rwayom Bondie pou anonse partou dan lemonn, kouma enn temwagnaz pou tou bann nasion; lerla lafin pou vini.” (Matie 24:14) Sa kanpagn predikasion la ti pou diferan avek predikasion ki laplipar relizion finn fer pandan plizir siek. Pandan bann dernie zour, pou met boukou laksan lor enn mesaz presi: “Bonn Nouvel Rwayom Bondie.” Eski ou konn enn group relizie ki met laksan lor sa mesaz-la? Ek mem si li paret ki sertin pe pres sa bonn nouvel-la, eski zot pe fer li zis dan enn landrwa ouswa “partou dan lemonn, kouma enn temwagnaz pou tou bann nasion”?

[Zimaz paz 7]

Bann Temwin Zeova pe pres Rwayom Bondie atraver lemond dan plizir santenn lang

Sit www.pr418.com met laksan lor “Bonn Nouvel Rwayom Bondie.” Lor sa sit-la ena bann piblikasion ki explik sa mesaz-la dan plis ki 700 lang. Eski ou konn enn lot group ki met lanfaz lor bon nouvel Rwayom Bondie partou atraver lemond koumsa? Bien avan ki ti ena Internet, bann dimounn ti konn bann Temwin Zeova pou zot zefor pou pres bon nouvel lor Rwayom Bondie. Depi 1939, lor kouvertir sak magazinn Latour Degard finn ekrir: “Pe Anons Rwayom Zeova.” Enn liv lor larelizion dir ki pa kapav konpar travay predikasion bann Temwin Zeova akoz so lintansite ek kantite pei kot pe fer sa travay-la. Sa temwaniaz-la met lanfaz lor bon nouvel ki biento “lafin pou vini” atraver Rwayom Bondie.

LEPOK PLI INPORTAN DAN LISTWAR LIMANITE

Eski ou’nn remarke ki toule kat eleman ki Labib mansione zot bien vizib azordi? Pandan plis ki san-t-an, sa magazinn-la finn donn so bann lekter bann ransegnman lor bann levennman mondial pou ed zot verifie par zotmem ki lafin pre. Sertin ki pa krwar, dir ki sakenn kapav interpret ek manipil bann prev ek bann linformasion dan so fason. Zot osi pretann ki akoz sistem kominikasion atraver lemond pe kontign ogmante, bann kondision mondial paret pe vinn pli pir. Selman, sa bann prev-la montre ki nou pe viv lafin sa moman pli inportan dan listwar limanite la.

Sertin exper panse ki nou pe apros zour kot pou ena bann sanzman inportan lor later. Par exanp an 2014, Science and Security Board of the Bulletin of the Atomic Scientists ti averti le Conseil de sécurité des Nations unies lor bann gran danze ki pe menas lavi bann dimounn. Sa bann siantis-la dir: “Enn letid serye lor sa bann danze-la amenn nou konklir ki ena enn gran risk gagn enn katastrof teknolozik ki pou met limanite an danze.” Boukou dimounn deplizanpli sir ki nou’nn ariv enn lepok inportan dan listwar limanite. Bann ki pibliye sa magazinn-la ek boukou bann ki lir li pena dout ki sa lepok ki nou pe viv la li vremem lepok dernie zour ek ki lafin li pre. Me olie ki ou per lavenir, ou bizin kontan seki pou arive. Kifer sa? Parski ou kapav sape kan lafin vini!

BANN PROFET MALER?

Bann Temwin Zeova zot pa bann profet maler. Pandan plis ki san-t-an zot inn partaz enn mesaz pozitif lor lavenir. Par exanp, dan zot lasanble an 1958, diskour ki ti ena tem: « Le royaume de Dieu est entré dans son règne — La fin du monde est-elle proche ? » ti explike ki “Rwayom Bondie vini, pa pou detrir sa later-la, me pou detrir lemond Satan. Rwayom Bondie vini, pa pou detrir sa later-la par dife, me pou ki volonte Bondie fer lor later parey kouma dan lesiel. Pou sa rezon-la, Bondie pou prezerv later kouma so kreasion; ek Bondie pou prezerv li pou touletan.”

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze