REPONS POU BANN KESTION BIBLIK
Eski li posib viv dan enn lemond kot pena lamizer?
Kouma Bondie pou etabli enn lemond kot pena lamizer?—Matie 6:9, 10.
Sak lane, bann milyon dimounn ki viv dan gran lamizer mor akoz zot mank manze ek akoz maladi. Mem si sertin pei pe prospere, boukou dimounn ankor pe viv dan lamizer nwar. Labib montre ki sa problem-la existe depi bien lontan.—Lir Zan 12:8.
Nou bizin enn gouvernman mondial pou tir lamizer. Sa gouverman-la pou ena pouvwar pou distribie bann resours later dan enn fason egal ek pou aret bann lager, parski se enn rezon prinsipal kifer ena lamizer. Bondie inn promet pou etabli enn gouvernman koumsa.—Lir Daniel 2:44.
Kisannla kapav tir lamizer?
Bondie inn etabli so Garson, Zezi, pou diriz limanite. (Psom 2:4-8) Zezi pou sap bann pov, ek pou eliminn violans ek tou bann ki fer dominer ar lezot.—Lir Psom 72:8, 12-14.
Labib ti anonse ki Zezi li “Prins Lape.” Alor, li pou etabli lape ek sekirite lor later antie. Lerla, tou dimounn pou kapav viv dan zot prop lakaz, apresie enn travay ki fer zot gagn satisfaksion ek ena manze an-abondans.—Lir Izai 9:6, 7; 65:21-23.