Nuvo Program Lasanble Spesyal Enn Zur

Tem program lasanble spesyal enn zur pu nuvo lane servis baze lor enn fondman Labib byin solid: “Sumet zot ar Bondye—Kont Dyab.” (Zak 4:7) Sa li enn bon konsey pu nu ki pe viv enn lepok difisil! Pwiski nu obeir bann komannman Bondye, li normal ki nu pu bizin konbat kont Satan. Program la pu montre nu kuma pu tini ferm kont bann taktik ki Dyab servi pu detrir nu lafwa. Ki trezor spirityel nu pu gayne dan sa lasanble la?

Sirveyan rezyonal pu montre kuma kan nu “Sumet Kuma Bondye Demande Antan ki Manb enn Fami,” sa fortifye nu pu tini ferm kont bann presyon ki ena dan lemond. Tem premye diskur ki lorater viziter pu fer li, “Ki Vedir Kont Dyab?” Sa diskur la pu explike kifer ek kuma nu bizin byin ferm pu reziste kont bann zefor ki Satan pe fer pu rwinn nu lasante spirityel. Pu ena de size byin adapte pu bann zenn; zot usi, zot bizin fer atansyon kot bann taktik Dyab. Buku Kretyin ki asterla finn vinn adilt pa finn rod bann dezir lemond kan zot ti zenn. Nu pu pran plezir pu ekut detrwa zot bann prop lexperyans.

Tu dimunn bizin sumet ar lotorite. Alor, dan so diskur final, lorater viziter pu montre kat domenn inportan kot nu bizin sumet kuma Bondye demande: (1) ar bann guvernman, (2) dan kongregasyon, (3) dan travay, ek (4) dan fami. Wi, sa program la li enn program byin pratik pu nu!

Bann ki dezir pran batem dan sa lasanble spesyal enn zur la bizin fer sirveyan prezidan kone pli vit posib. Nu tu nu bizin not dat sa lasanble la lor nu kalandriye ek organiz nu pu asiste program la net. Nu pu gayn bann benediksyon eternel, si nu sumet nu ar Bondye pu tuletan.