Nuvo Program Lasanble Spesyal Enn Zur
1 Televizyon, radyo, lagazet ek bann profeser donn linportans bann kitsoz materyel. Me Parol Bondye ankuraz nu pu “Vinn Ris Avek Bann Bon Aksyon.” (1 Tim. 6:18) Sa se tem program lasanble spesyal enn zur ki pu kumanse an Septam 2002. Ki lankurazman nu pu gayne dan sa lasanble la?
2 Sirveyan sirkonskripsyon pu explik seki vedir “Vinn Ris Devan Bondye.” Li pu usi intervyue bann ki fer zefor pu vinn ris lor plan spirityel. Dan so premye diskur, lorater viziter pu montre kuma lepep Bondye pe fer “Bann Bon Aksyon dan Sa Peryod Rekolt La.” Bondye finn donn nu lord pu partisip dan travay rekolt ki pe fer zordi. Nu tu nu pu gayn lankurazman pu gete kuma nu kapav fer plis dan sa travay la.
3 Nu vremem kontan kan nu truv bann zenn Kretyin pe fixe bann lobzektif spirityel! Sa donn laglwar Zeova ek ed bann zenn pu prepar zot pu gayn bann privilez dan lavenir. Diskur “Felisit Bann Zenn pu Bann Bon Aksyon Ki Zot Pe Fer pu Donn Zeova Laglwar,” pu montre byin ki bann bon travay ki nu bann zenn Kretyin pe fer.
4 Ki rezilta ena kan fer bann bon aksyon? Dan so dernye diskur, lorater viziter pu koz lor “Kan Nu Fer Bann Bon Aksyon, Nu Gayn Bann Benediksyon.” Li pu egzaminn kat domenn kot nu kapav gayn bann benediksyon: (1) lor plan personel, (2) dan fami, (3) dan kongregasyon, ek (4) antan ki enn lorganizasyon dan lemond antye.
5 Bann ki finn angaz zot ar Zeova pu kapav pran batem. Si u panse ki u’nn pare pu pran batem, fer sirveyan prezidan kone deswit.
6 Kan anons dat lasanble, kumans fer bann laranzman deswit pu ki u prezan. Fer zefor pu ariv boner pu ki u la, kan sant kantik kumansman ek kan fer lapriyer. Si nu asiste lasanble ek si nu ekut byin tu program, nu pu vinn pli for ek nu pu kontiyn mars enn manyer ki pu fer nu vinn ris devan Zeova.