Programme l’assemblée special enn jour 2010
1. (a) Dan le passé, lor ki theme biblik bann l’assemblée special enn jour ti basé? (b) Eski ena kitsoz dan bann l’assemblée special enn jour ki finn ena dan le passé ki finn aide ou dan ou ministere?
1 “ Pénétrez-vous bien des choses les plus importantes, ” “ Tenons ferme comme un seul troupeau, ” “ Continuons à rendre témoignage à la vérité, ” ek “Nou, nou l’argile—Jéhovah nou Potier.” (Phil. 1:9, 10, 27; Jean 18:37; Is. 64:8) Sa c’est certain theme bann l’assemblée special enn jour ki finn ena dan le passé. Eski ou pé attann avek impatience pou assisté l’assemblée special enn jour pou l’année service 2010? Sa l’assemblée-la pou developpe theme: “Reste bien tigit le temps,” basé lor 1 Corinthiens 7:29.
2. Couma ou kapav developpe l’enthousiasme pou sa l’assemblée-la?
2 Developpe l’enthousiasme pou l’assemblée special enn jour desuite couma annonce date-la dan ou congregation. Certain parent aide zot zenfant pou attann sa l’assemblée-la avek impatience, kan zot mette date l’assemblée lor zot calendrier. Zot mette ensam avek sa date-la, enn la liste tou bann kitsoz ki zot pou amené, ek apré zot compte bann jour ziska ki l’assemblée vini. Pendant soirée ki ou reservé pou l’etude familial, kitfois ou kapav réguette bann note ki ou ti prend pendant bann l’assemblée special ki finn ena dan le passé. Ou kapav aussi prepare ou leker pou sa l’evenement-la kan ou examine livre Tirez profit de l’école du ministère théocratique, page 13-16, pou aide ou ek ou famille “faire attention ar fason ki zot ecouté.”—Luc 8:18.
3. Couma nou kapav tire bien profit ar seki pou ena dan l’assemblée?
3 Applik seki ou aprann: Souvent apré l’assemblée, nou tann: “Ala enn joli l’assemblée-la!” Sa li touletan vrai, parski c’est enn parmi bann bon disposition ki Jéhovah inn prend pou nou. (Prov. 10:22) Pou ki l’enseignement ki nou gagné kapav rapporte fruit, nou bizin medite lor la ek rappel sa. (Luc 8:15) Kan ou retourne lakaz apré l’assemblée, prend le temps pou discute lor programme ki finn ena avek ou famille ou-soit avek bann ki pé voyage avek ou. Sakenn kapav discute lor bann l’objectif ek lor bann point ki pou aide zot dan zot ministere. Kan ou faire sa, ou pou kapav profite lor seki ou finn aprann longtemps apré l’assemblée.—Jacq. 1:25.
4. Kifer sa l’assemblée-la pou special pou nou?
4 Sa faire nou bien plaisir kan nou gagne enn cadeau ki utile pou nou. Eski nou pa impatient pou gagne seki Jéhovah inn preparé pou nou prochain l’assemblée special enn jour? Nou kapav sur ki sa l’assemblée-la pou pratik pou nou dan tou domaine. Nou kapav attann ki nou Papa ki dan le ciel, Jéhovah, pou donne nou exactement seki nou bizin par bann l’encouragement ek formation pou contigne travail ki Li’nn donne nou pou faire.—2 Tim. 4:2; Jacq. 1:17.