Eski U Anvi Fer Plis?
1 Zezi ti konpar Rwayom avek bann trezor gran valer. (Mat. 13:44-46) Travay predikasyon bon nuvel lor Rwayom usi enn trezor ki ena buku valer. Sa minister la merit premye plas dan nu lavi, mem si pu partisip net, nu bizin sakrifye nu inpe. (Mat. 6:19-21) Eski u anvi fer plis dan servis Rwayom?
2 Get Sa Bann Pwin Inportan La: Plizir kitsoz neseser pu nu partisip plis dan sa minister la: (1) nu bizin byin deside pu met bann lintere Rwayom an premye dan nu lavi (Mat. 6:33); (2) nu bizin ena lafwa an Zeova ek kont lor Li (2 Kor. 4:1, 7); (3) nu bizin persiste dan bann lapriyer sinser pu rod led Bondye (Lik 11:8-10); (4) nu bizin kontiyne priye ek azir an armoni avek nu bann lapriyer.—Zak 2:14, 17.
3 Bann Fason pu Ogmant Nu Minister: Nu tu nu kapav fixe lobzektif pu partisip regilyerman dan minister tulemwa. Me eski u finn usi reflesi kuma u kapav sezi tu lokazyon pu donn temwaynaz okazyonel, fer zefor pu fer bann pli bon prezantasyon, fer bann vizit ki donn plis rezilta, ek sey fer bann letid Labib ki progrese? Eski u kapav fer pyonye asistan, pyonye ordiner uswa servi kot ena enn pli gran bezwin? Si u enn frer ki batize, eski u kapav ranpli bann kondisyon pu vinn enn serviter ministeryel uswa enn ansyin? (1 Tim. 3:1, 10) Eski u kapav ogmant u minister par bann lezot fason kuma: fer aplikasyon pu servis Betel, pu Lekol Formasyon Ministeryel, uswa pu formasyon misyoner dan Lekol Gilead?—Lik 10:2.
4 Enn frer ki ti ena enn travay aplintan ek ki ti pe pas buku letan dan bann aktivite sportif finn gayn lankurazman pu vinn pyonye ordiner. Li ti kumans fer pyonye asistan ek apre li finn adapte so sityasyon pu pran minister aplintan. Plitar, li finn asiste Lekol Formasyon Ministeryel, ki finn prepar li pu servi kuma sirveyan rezyonal, seki li pe fer asterla. Li byin kontan ki li finn aksepte sa lankurazman ki li ti gayne la, ek li sir ki li buku pli ere parski li finn desid fer plis dan servis Rwayom.
5 Zeova beni bann ki dispoze pu servi. (Iza. 6:8) Pa les nanyin anpes u pu ogmant u minister ek anpes u zwir pli gran satisfaksyon ek lankurazman ki u kapav gayne an retur.