Kestyon Ki Suleve

◼ Kuma nu labiyman ek nu laparans bizin ete kan nu vizit Betel ek bann lezot filyal?

Kan nu al Betel, ki nu pe al pu vizite uswa ki nu pe al vizit bann manb fami Betel, “nu linz, nu laparans, ek nu kondwit bizin parey kuma kan nu asiste bann reynion dan Lasal DiRwayom pu nu ladorasyon.” (omF 131) Me, finn remarke ki sertin frer ek ser ena tandans pu abiy tro rilax kan zot pe vizit bann filyal. Sa fason la pa apropriye kan vizit sa bann landrwa la. Nu laparans bizin enn legzanp, li bizin byin aranze ek modes, li bizin konvenab ek diyn kuma sa bizin ete pu bann serviter Bondye Zeova.—1 Tim. 2:9, 10.

Sa li sirtu inportan kan nu vizit Betel ek bann filyal parski zot atir latansyon buku obzervater ki pa Temwin. Sa bann obzervater la kapav fer zot bann lopinyon konsernan pep Bondye ek so lorganizasyon dapre seki zot truve. Li ti pu bon si nu koz avek nu bann etidyan Labib ek bann lezot ki kapav vinn vizit Betel pu rapel zot linportans pu pran kont zot labiyman ek zot laparans. Fami Betel pu rekonesan si u fer sa.

Antan ki bann minis Kretyin, nu bizin fer atansyon ki nu laparans pa fer lezot tonbe. (2 Kor. 6:3, 4) Okontrer, par nu latitid konvenab, anu tuzur “fer lanseynman nu Sover, Bondye, paret pli zoli, dan tu kitsoz.”—Tit 2:10.