Question Ki’nn Soulevé
◼ Couma nou bizin habille-nou kan nou visite bann batiment la societé?
Partout lor la terre, bann la-Salle du Royaume, bann la-Salle l’assemblée, bann Béthel ek bann batiment la societé, zot bann l’endroit special ki finn dedié pou service Jéhovah. C’est bann l’endroit simple, prop, ek en ordre, ek a cause sa zot ena enn l’apparence digne. Sa bien different avek seki souvent nou trouvé dan le monde Satan. Fodé kapav trouvé ki bann ki pé visite sa bann batiment-la, zot aussi zot pou Jéhovah ek ki zot pé faire so volonté.
En tant ki chretien “nou recommande nou-mem couma bann ministre Bondié” dan tou fason, parmi ena aussi enn habillement ek enn coiffure ki approprié. (2 Cor. 6:3, 4) Nou bizin ena aussi bann bon maniere. Touletan nou fason habillé ek coiffé bizin convenable ek digne, approprié pou bann serviteur Jéhovah. Sa li appliké kan nou visite bureau mondial ki trouve New York ek tou bann filiale partout dan le monde.
Concernant l’importance enn l’habillement ek enn coiffure ki convenable, livre Organisés pour faire la volonté de Jéhovah dire kifer li important ki nou prop lor plan physik, ki nou habillé ek coiffé avek modestie kan nou participe dan predication ek kan nou al reunion. Lor page 138, paragraphe 3, li dire: “Rappel ki, nom Béthel vedir ‘Lakaz Bondié.’ Alors nou l’habillement, nou coiffure ek nou conduite bizin pareil couma kan nou al reunion pou adore Jéhovah dan la Salle du Royaume.” Bann proclamateur bizin respecté sa niveau bien haute-la kan zot visite Béthel, ki zot reste pré ou-soit bien loin ar Béthel. Kan enn visiteur faire sa, li montré so l’appreciation ek so respé.—Ps. 29:2.
Nou l’habillement bizin montré ki nou bann dimoune ki “dire ki [nou] adore Bondié avek respé.” (1 Tim. 2:10) Enn l’habillement ek enn coiffure convenable kapav aide lezot pou respecté l’adoration Jéhovah. Selman, nou finn remarké ki certain frere ek soeur ki visite bann batiment ki servi dan service Jéhovah, ena tendance pou habille-zot dan enn fason trop relax, debraillé, ou-soit transparent, decolté, ek trop collé. Sa qualité l’habillement-la pa bon pou bann chretien dan n’importe ki moment. Dan sa domaine-la ek dan tou lezot l’aspect nou la-vie chretien, nou envie garde enn bon niveau ki montré difference entre bann serviteur Bondié ek bann dimoune ki dan le monde, ek nou faire tou pou la gloire Bondié.—Rom. 12:2; 1 Cor. 10:31.
Alors, kan ou visite bureau mondial ek filiale dan New York ou-soit n’importe ki filiale, ki ou finn prevoir pou enn visite ou-soit pendant ki ou en vacance dan enn l’endroit touristik, demann ou-mem: ‘Eski mo l’habillement ek mo coiffure reflete modestie, propreté, ek dignité sa l’endroit kot mo pou al visité-la? Eski sa represente bien Bondié ki mo pé adoré? Eski mo l’apparence pou distraire lezot ou-soit pou sok zot?’ Par nou l’habillement ek nou coiffure, anou touletan “faire l’enseignement nou Sauveur, Bondié, vinn pli joli dan tou kitsoz”!—Tite 2:10.