“Li Byin Inportan Nu Pran Kont ‘Bann Legzanp Ki Averti Nu’”

Nu tu nu kapav byin deside pu res fidel. Pu sa nu bizin pran kont bann leson ki nu’nn tire dan dram biblik ki ena lor kaset video Des exemples qui nous servent d’avertissement. Avan u get kaset la, silvuple lir Nonm 25 ek seki liv Étude perspicace, Volim 2, paz 302, paragraf 4-6 rakonte lor la. Apre sa, reponn sa bann kestyon la: Kisannla bann Moabit ti ete? Kifer eski Zeova ti dir Moiz pa lager kont zot? (Det. 2:9) Kuma eski Balaam ti fer plan pu servi bann Moabit pu detrir nasyon Izrael? Kifer fode pa nu bliye ki buku Izraelit pa ti res fidel avan ki zot ti rant dan peyi ki Zeova ti promet zot?—1 Kor. 10:11, 12.

Kan u get kaset video Des exemples qui nous servent d’avertissement, reflesi lor sa kat domenn la kot nu bizin vremem fer byin atansyon dan nu lavi zordi, si nu anvi res fidel ek gayn faver Bondye. (1) Latitid: Kuma eski sertin Izraelit ti montre enn move latitid anver Zeova ek anver bann dispozisyon ki Li ti’nn pran? Kontrerman ar bannla, ki latitid nu, nu bizin fer zefor pu ena? (2) Bann Frekantasyon: Kifer eski Zeova pa ti ule ki bann Izraelit fer kamarad ar bann Moabit? (Egz. 34:12; Pro. 13:20) Kifer nu bizin fer atansyon kan nu swazir nu bann kamarad? (3) Kondwit: Ki pese grav bann move frekantasyon ti amenn anviron 23,000 Izraelit pu fer? (1 Kor. 10:8) Ki finn amenn pep Bondye pu komet limoralite zordi? Me, kuma eski nu kapav protez nu? (4) Ladorasyon: Ki tes bann Izraelit ti bizin pase pu kone si zot ladorasyon ti sin? Sertin kapav tom dan enn pyez lidolatri ki surnwa. Ki sa pyez la sa? Me, kuma eski nu kapav evit tom ladan?—Kol. 3:5.

Dan dram la, ki benediksyon Yamîn ti gayne parski li’nn gard enn bon kondwit? Par sa kaset video la, ki lapel irzan Kolez Santral pe donn tu bann vre Kretyin? Si u enn sef fami, kifer u panse ki li ti pu bon si u fami get sa kaset la plizir fwa?