Korper ar U Sirveyan Letid Liv
1 Sakenn parmi nu tir buku profi ar Letid Liv Kongregasyon. Mwa dernye nu ti koz lor, kuma eski sirveyan Letid Liv ranpli so rol. Me kuma eski nu kapav korper avek li pu ki numem ek lezot tir profi?
2 Asiste Sak Semenn: Parski pena buku dimunn dan bann letid liv, nu prezans li inportan. Fixe lobzektif pu u asiste sa reynion la sak semenn. U kapav usi ede, kan u vinn aler, kumsa sirveyan la kapav kumans reynion dan lord.—1 Kor. 14:40.
3 Bann Komanter Ankurazan: Enn lot manyer pu korpere se, kan nu byin prepar nu letid ek kan nu fer bann komanter ankurazan. Li pli bon si nu komanter li baze zis lor enn pwin, kumsa sa kapav ankuraz lezot usi pu reponn. Evit reponn tu seki ena dan paragraf. Si dan letid la ena enn pwin ki sirtu tus u, dan u komanter partaz u lide, kumsa diskisyon la pu pli ris.—1 Pyer 4:10.
4 Si u ena privilez pu lir bann paragraf, lir byin kumsa u pu ranpli byin u responsabilite ek bann frer ek ser usi pu tir profi. Enn bon lektir rann letid la pli interesan.—1 Tim. 4:13.
5 Temwaynaz an Grup: Buku letid liv fer bann reynion pu predikasyon. Si u sutenir sa bann dispozisyon la, u pu ed sirveyan kan li pran latet dan predikasyon. Konsider sa bann dispozisyon la kuma bann lokazyon pu vinn pli pros ar u bann frer ek ser ek pu ankuraz zot.
6 Rapor Servis: Enn lot manyer pu korper avek sirveyan la, se kan u remet u rapor san tarde lafin dimwa. U bizin remet u rapor direkteman avek u sirveyan Letid Liv. Apre sa li pu remet sekreter tu bann rapor.
7 U korperasyon avek u sirveyan Letid Liv pu byin apresye. Anplis, u kapav sir ki Zeova pu ‘avek latitid ki u montre.’—Fil. 4:23.