Kifer Nou Bizin l’Étude de Livre
1. Couma eski L’Étude de Livre de la Congrégation finn commencé?
1 En 1895, bann Étudiants de la Bible, nom ki ti appelle bann Témoins de Jéhovah avant, ti pé faire bann groupes d’étude ki ti appelle Cercles de l’aurore pour l’étude de la Bible. Zot ti étudié bann Volumes L’Aurore du Millénium. Plitar, finn appelle sa bann réunions-la Cercles béréen pour l’étude de la Bible. (Actes 17:11) Souvent, bann ti groupes dimoune ti joinde en privé dans enn lakaz, dans enn l’heure ki ti approprié pou zot tou. C’est coumsa ki l’Étude de Livre de la Congrégation finn commencé.
2. Couma nou kapav contribué pou ki éna enn “échange d’encouragement” dans l’étude de livre?
2 L’Encouragement ek l’Aide: C’est par exprès ki dans enn l’étude de livre éna tigit dimoune. Sa permette bann assistants gagne plus l’occasion pou exprime zot la foi par zot bann commentaires. Résultat: Éna “enn échange d’encouragement . . . , sakenn encouragé par la foi so camarad.”—Rom. 1:12.
3, 4. Couma eski l’étude de livre aide nou pou accompli nou ministère?
3 Kan nou guette façon ki surveillant l’étude livre enseigné, sa kapav aide nou pou “servi parol la vérité couma bizin.” (2 Tim. 2:15) Observé couma li mette l’accent lor bann textes la Bible. Si publication ki pé examiné-la permette, kitfois en conclusion, li kapav servi zis bann versets la Bible pou mette l’accent lor bann points important. So bon l’exemple kapav aide nou pou améliore nou façon enseigné dans nou ministère.—1 Cor. 11:1.
4 Surveillant l’étude de livre pa zis conduire l’étude chaque semaine, mais li aussi prend la tête dans la prédication. En collaboration avec surveillant au service, li faire bann l’arrangements approprié pou la prédication. Li faire zefforts pou aide tou bann proclamateurs ki dans so groupe pou rempli zot responsabilité en tant ki Chrétien, setadir prêche la bonne nouvelle ek faire bann disciples.—Mat. 28:19, 20; 1 Cor. 9:16.
5. Ki l’aide personnelle nou kapav gagne à travers l’étude de livre?
5 Surveillant l’étude de livre intéressé avec spiritualité chaque membre dans so groupe. Li montré sa l’intérêt-la pendant bann réunions congrégation ek kan li travaille avec lézot dans la prédication. Kan li visite bann frères ek soeur kot zot, li aussi profit l’occasion pou encourage zot lor plan spirituelle. Zot tou bizin senti zot à l’aise pou approche zot surveillant l’étude de livre n’importe kan zot bizin enn l’aide spirituelle.—Is. 32:1, 2.
6. (a) Couma eski nou bann frères dans certain pays finn gagne la force grâce à bann réunions en ti groupe? (b) Couma eski personellement ou finn gagne bann bienfaits grâce à l’étude de livre?
6 Fortifié Nou Camarade: Dans bann pays kot l’activité bann serviteurs Jéhovah interdit, souvent bann frères réuni en bann ti groupes. Enn frère raconté: “Mem si nou l’activité ti interdit, kan li ti possible nou ti faire nou bann réunions la semaine en groupe 10 à 15 dimoune. Sa bann réunions-la ti fortifié nou spirituellement parski nou ti étudié la Bible ek après nou ti profit la compagnie nou bann frères ek soeurs. Sakenn ti raconte so l’experience, ek sa ti aide nou pou réalisé ki nou tou nou ti pé amenn mem combat.” (1 Pierre 5:9) Nou’si pareil, anou contigné fortifié nou camarad kan nou soutenir l’Étude de Livre.—Éph. 4:16.