Kestyon Ki Suleve

◼ Kan nu pe donn temwaynaz par telefonn, eski nu bizin koz lor bann donasyon?

Kan nu donn temwaynaz enn kikenn an personn, li kapav posib pu explik li ki laktivite lanseynman lor Labib ki bann Temwin Zeova fer dan lemond antye li sutenir antyerman par bann don volonter. Nu kapav dir li usi ki nu kontan pu aksepete sa bann don la. Me, kan nu pe rann temwaynaz par telefonn, fode pa nu koz lor bann donasyon. Bann dimunn kapav mal pran sa, ek panse ki nu pe demann larzan par telefonn. Pena nanyin komersyal dan laktivite bann Temwin Zeova.—2 Kor. 2:17.

◼ Kan nu pe donn temwaynaz par telefonn, ki nu bizin fer si enn kikenn dir bann Temwin Zeova pa telefonn li ankor?

Nu bizin respekte dezir sa dimunn la. Dan lanvlop kot met kart sa teritwar la, bizin met enn not ki montre non dimunn la ek ki dat li finn dir sa. Kumsa bann proklamater pu evit telefonn sa dimunn la dan lavenir. Enn fwa par an, bizin reget lalis bann dimunn ki finn demann pu pa telefonn zot. Anba direksyon sirveyan servis, kapav deziyn bann proklamater ki ena lexperyans ek ki koz avek tak, pu vizit sa bann dimunn la pu gete si zot tuzur pa ule ki bann Temwin Zeova vizit zot.—Get Kestyon Ki Suleve dan Notre Ministère du Royaume Zanvye 1994.