Kestyon Ki Suleve

◼ Eski bizin kont letid familyal kuma enn letid lor rapor servis?

Si bann zanfan ki pa batize partisip dan enn letid familyal, paran ki pe diriz sa letid-la kapav kont lor so rapor, enn maximem enertan, enn vizit par semenn, ek enn letid par mwa. Sa aplike mem si paran-la fer letid pandan plis ki enertan, plis ki enn fwa par semenn, uswa avek sak zanfan personelman.—Get liv Notre ministère, paz 105.

Si tu bann manb la fami batize, okenn ler ni okenn letid pa pu konte lor rapor servis (amwin ki enn zanfan ki’nn fini batize pe ankor etidye so dezyem liv). Kifer? Parski rapor kongregasyon reflekte prinsipalman seki pe fer pu pres la bonn nuvel ek pu anseyn Labib bann dimunn ki pankor angaz zot ar Zeova ek pran batem. (Mat. 24:14; 28:19, 20) Me, pa pu sa ki nu bizin suzestim linportans enn letid familyal regilyer.

Bann paran Kretyin ena la responsabilite pu etidye avek zot zanfan. Bann ki bizin led pu etabli uswa pu amelyor zot letid familyal, kapav apros bann ansyin. Parfwa, akoz sertenn sityasyon dan enn fami Kretyin, li kapav apropriye ki enn lot proklamater fer letid enn zanfan ki pa batize. Dan sa ka-la, bizin get sirveyan prezidan uswa sirveyan servis. Si letid-la inn apruve, proklamater-la kapav kont sa lor so rapor parey kuma li ti pu kont ninport ki lot letid.

Elve bann zanfan dan la verite demann plis letan ek zefor ki seki paret lor enn rapor servis. (Det. 6:6-9; Pro. 22:6) Nu felisit bann paran Kretyin ki asim sa gran responsabilite ki zot ena-la, pu elve zot zanfan “dan disiplinn ek bann manyer panse Zeova.”—Efe. 6:4.