Enn Moyen pou Aide Zot
Bann vrai Chrétiens participe dans prédication la bonne nouvelle. (Phil. 2:17) Pou arrivé faire sa, l’organisation éna enn site Internet www.watchtower.org. kot bann dimoune kapav gagne accès ar certains brochures, tracts, ek lézot l’articles disponible dans 20 langues. Sa site web-la pa finn crée pou ki bann Témoins de Jéhovah gagne bann publications récent, mais plito pou faire public gagne bann renseignements exacte lor séki bann Témoins de Jéhovah enseigné a travers la Bible.
Récemment, nou finn ajoute enn publication bien important lor sa site Internet-la. C’est brochure Attend dans plus ki 220 langues. Donc, a partir La Tour de Garde 1er Janvier, 2004 ek Réveillez-vous ! 8 Janvier, 2004 nou l’adresse Internet aparette lor dernier page sa bann périodiques-la.
Couma ou kapav servi sa zouti-la? Eh bien, li possible ki ou joinde enn dimoune interessé, mais ki pa comprend ou langue. Si li éna accès ar Internet, ou kapav montré nou l’adresse Internet lor dernier page La Tour de Garde ou-soit Réveillez-vous ! Coumsa li kapav examine brochure Attend dans so propre langue ziska ki ou revisite li ek ou amène lézot publications dans so langue. Ou bien, ou kapav quitte l’adresse sa dimoune-la avec congrégation ou-soit avec group proclamateurs ki prêche dans langue sa dimoune-la.