Si ou bizin enn publication dan enn lot langue pli vite possible
Parfois nou joinde bann dimoune ki prefere lire nou bann publication dan enn lot langue ek nou congregation pena sa en stock. Eski ou ti koné ki si ou ena accès avek Internet ek enn printer, ou kapav ou-mem imprime bann publication dan apepré 400 langue? Ala couma ou kapav faire sa:
• Al lor www.watchtower.org, nou site officiel lor Internet.
• Lor coté droite page l’accueil ena enn partie la liste bann langue. Pou gagne la liste tou bann langue click lor zimage ki represente le monde.
• Click lor langue ki ou’lé. Ou pou trouve bann publication ki ou kapav imprimé apparette, par exemple bann tract, bann brochure, ek bann lartik. Parski inn traduire bann kitsoz lor sa page-la dan langue ki ou’nn choisir, pa gagne tracas si ou pa reconette bann titre.
• Click lor n’importe ki titre. Lartik-la pou parette lor ou l’ecran ek lerla ou kapav imprime-li kan ou al la-haut lor ou programme ki ouvert Internet ek choisir option Print.
Lor nou site Internet ena zis deux-trois nou bann publication; ou kapav gagne plus publication a travers congregation. Enn fois ki ou sur ki dimoune-la vrai-mem interessé, li pli bon ki ou demann bann publication lor comptoir publication.