Ofer Piblikasyon dan Teritwar Kot Ena Enn Uswa Plizir Grup Ki Koz enn Lot Lang
1. Kifer eski buku kongregasyon bizin bann piblikasyon dan enn lot lang?
1 Dan buku landrwa, dan predikasyon nu kumans zwenn bann dimunn ki sorti lezot peyi. Kan anseyn sa bann dimunn la laverite dan zot prop lang, laplipar parmi zot aprann buku pli vit ek zot gayn enn konesans pli profon. Ki bann dispozisyon finn pran pu donn bann dimunn interese bann piblikasyon baze lor Labib dan lang ki zot lir?
2. Ki korperasyon bizin ena dan enn kongregasyon ki ena enn teritwar kot ena bann dimunn ki koz diferan lang?
2 Kan pu Ofer Piblikasyon: Kan dan teritwar enn kongregasyon ena bann etranze ki koz diferan lang, kolez ansyin bizin korpere avek sirveyan servis pu met an plas enn laranzman pu ki bann dimunn ki koz diferan lang kapav gayn enn temwaynaz. Kan bann proklamater pres lakaz-lakaz, li normal ki zot ofer piblikasyon dan lang ki sa bann dimunn etranze la lir.
3. Kan eski enn kongregasyon pu stok bann piblikasyon dan enn lot lang?
3 Kan pu Stok Piblikasyon: Ki pu fer si ena enn ase gran grup dimunn ki koz enn lot lang dan enn u teritwar? Dan sa ka la, bann kongregasyon kapav stok enn ti kantite piblikasyon ki servi pli suvan ek ki disponib dan sa lang la. Par egzanp ena bann trak, brosir Ki Bondye Pe Demann Nu? ek Kamarad Bondye ek liv Konesans. Bann proklamater kapav les sa bann piblikasyon la ninport kan zot zwenn bann dimunn ki lir sa lang la.
4. Kuma eski kapav gayn piblikasyon dan enn lang ki kongregasyon pa gard dan stok?
4 Kuma pu Pas Komann Bann Piblikasyon: Si kongregasyon la pena stok piblikasyon dan lang ki enn dimunn interese lir, kuma kapav gayn sa bann piblikasyon la? Proklamater la bizin tyek avek frer ki responsab piblikasyon pu kone ki bann piblikasyon ki disponib dan sa lang la. Kumsa li kapav komann bann piblikasyon ki li bizin ansam avek prosin komann piblikasyon pu kongregasyon. U kapav truv enn lalis bann piblikasyon ki disponib lor brosir S-15. (Liste des publications)
5. Ki nu lobzektif kan nu fer bann dimunn gayn bann piblikasyon?
5 Nu swete ki nu pu servi byin bann piblikasyon pu ed “tut sort kalite dimunn,” mem ki lang zot koze, ‘pu gayn enn konesans egzak lor laverite.’—1 Tim. 2:3, 4.