Dan ki l‘etat li été?

Nou bizin pose-nou sa question-la pou chaque publication ki nou ena l‘intention pou offert. Si nou offert enn publication ki‘nn gagne zoreille, ki‘nn pali, ki sale ou-soit ki‘nn dechiré, sa pou ena enn mauvais l‘effet lor reputation nou l‘organisation ek sa kapav detourne l‘attention bann dimoune ar joli message ki donne la vie, ki ena dan sa bann publication-la.

Couma nou kapav garde nou bann publication prop? Beaucoup trouve sa pratik pou bien classe zot bann publication dan zot sac predication. Par exemple, zot ena enn place kot zot garde bann livre, enn lot place kot zot mette bann periodik ek bann brochure, enn lot place kot zot mette bann tract, ek faire pareil pou lezot publication. Chaque fois ki zot remette zot la Bible ek n‘importe ki lezot publication dan zot sac predication, zot faire attention pou pa abime sa bann publication-la. Certain proclamateur garde zot bann publication dan bann pochette ou-soit sac plastik transparent. N‘importe ki methode nou servi, nou pa‘lé donne personne l‘occasion pou trouve defaut ar nou ministere kan nou donne bann publication ki abimé.​—2 Cor. 6:3.