Question Ki’nn Soulevé

◼ Couma nou koné si nou bizin quitte enn publication ar enn dimoune ou-soit non?

Premier kitsoz, c’est l’interet ki li manifesté. Si li montré enn l’interet sincere, nou kapav quitte deux magazine, enn brochure, enn livre, ou-soit n’importe ki lezot publication ki nou pé offert. Sa li appliké mem si nou trouvé ki dimoune-la ena tigit kass, ou-soit li pena kass pou faire enn contribution pou travail ki nou pé faire dan le monde entier. (Job 34:19; Rév. 22:17) Mais, nou pa pou quitte nou bann publication ki ena beaucoup valeur avek bann dimoune ki pa apprecié li.​—Mat. 7:6.

Couma nou koné si enn dimoune li interessé? Si li disposé pou koz ar nou sa c’est enn bon signe. Si li pé ecouté kan nou pé kozé, li pé reponn nou bann question, ek li dire seki li pensé, sa montré ki li pé participe dan sa conversation-la. Kan li suive seki nou pé lire dan la Bible sa montré ki li ena respé pou Parole Bondié. Souvent, li bon nou demann dimoune-la si li pou lire publication ki nou pé offert. Bann proclamateur bizin servi zot bon jugement pou koné si dimoune-la interessé. Par exemple, kan nou rann temoignage dan la rue, li pa pou bon si nou quitte bann magazine, brochure, ou-soit bann livre ar n’importe kisannla ki pé passé. Si nou pa reussi koné si dimoune-la interessé ou-soit non li pou pli bon ki nou donne li enn l’invitation ou-soit enn tract.

Li pareil aussi pou quantité publication ki enn proclamateur kapav prend lor comptoir publication. Li bizin base li lor quantité ki li pou servi dan so ministere, pa lor quantité kass ki li kapav metté dan boite contribution. Bann contribution, c’est pa pou paye bann publication mais pou soutenir tou l’aspect ki concerne nou predication dan le monde entier. N’importe ki quantité kass nou ena, c’est nou reconnaissance ki pou pousse nou pou donné avek tou nou leker dan sa tigit ki nou ena-la, pa seki nou ena en plus, pou soutenir bann l’interet Royaume Bondié. (Marc 12:41-44; 2 Cor. 9:7) Sa pou pousse nou aussi pou prend zis publication ki nou pou servi ek coumsa nou pa pou gaspille l’argent contribution ki bann dimoune inn donné.

[L’encadré page 2]

Bann proclamateur bizin servi zot bon jugement pou koné si dimoune-la interessé