Servi bien nou bann publication
1, 2. Couma eski beaucoup dimoune considere nou bann publication, ek ki question sa soulevé?
1 “Mo lire zot bann publication depuis 1965. Mo guette dan la Bible bann verset ki cité, ek mo trouvé ki tou seki ecrire dan zot publication, li en accord avek la Bible. Mo’nn touletan envie konn la verité lor Bondié ek Jésus, ek mo bizin reconette ki mo satisfait ar bann reponse ki mo gagné dan zot bann publication ek dan la Bible.” C’est seki enn missié ti ecrire bureau central bann Témoins de Jéhovah. Dan sa mem lettre-la, li ti demann enn l’etude la Bible.
2 Pareil couma sa missié-la, bann dimoune lor la terre entier, par million, reconnaissant pou bann publication, ki “l’esclave fidel ek avisé” donne nou pou aide nou etudié la Bible. (Mat. 24:45) Chaque l’année, l’organisation imprime enn grand quantité publication pou aide bann dimoune sincere pou “gagne enn connaissance exact lor la verité.” (1 Tim. 2:4) Couma eski nou kapav bien servi nou bann publication?
3. Couma nou kapav evite gaspille bann publication?
3 Evite gaspillage: Apré enn certain lé-temps, nou kapav retrouve-nou avek plus publication ki seki nou pou servi vrai-mem. Ki nou kapav faire pou evite gaspille sa bann publication ki ena valeur-la? Nou bizin calcule bien avant nou prend bann publication pou nou placé dan predication. Au lieu ki nou prend plusieurs copie enn publication ki nou pé offert, nou kapav prend zis enn ou deux, ek vinn prend encore kan nou’nn fini place seki nou ti prend. Sa pou evite nou ena enn tas publication en stock kot nou. Li pareil pou bann periodik. Si nou ena enn grand quantité periodik ki nou pankor placé, li pou approprié ki nou diminué nou commande.
4. Ki kapav faire si enn congregation ena trop beaucoup publication en stock?
4 Kan ena trop beaucoup publication en stock: Si enn congregation ena certain publication en trop, sa frere ki responsable publication-la kapav verifié avek bann lezot congregation pou guetté si zot kapav servi sa bann publication-la. Bann proclamateur kapav offert sa bann publication ki ancien-la, bann membre zot famille ki pa Témoin, bann ki pé etudié, ek lezot dimoune encore. Bann nouveau pou surement content gagne sa bann publication-la pou zot bibliothek personnel.
5. Couma nou kapav montré ki nou apprecié nou bann publication?
5 Nou envie ki nou bann publication reussi faire zot travail, setadir ki zot aide bann dimoune sincere pou konn plus lor bann projet extraordinaire ki Jéhovah ena. Pareil couma Jésus pa ti gaspille mangé ki ti resté apré ki li ti’nn nourri bann la-foule par enn mirak, nou envie servi pli bien possible sa bann publication ki nou gagné-la. (Jean 6:11-13) Dan nou bann publication, ena enn message ki kapav sap la vie bann dimoune. Mais couma sa message-la pou kapav touche leker bann dimoune ki content la justice, si sa bann publication-la reste lor nou l’etagere, ou-soit dan nou sac? Alors, nou bizin raisonnable kan nou prend publication pou predication ek servi zot bien pou ki lezot kapav profité.—Phil. 4:5.