Pa gaspille bann publication
1. Couma nou kapav imite l’exemple Jésus ek ena reconnaissance pou tou seki Jéhovah donne nou?
1 Apré ki Jésus ti faire enn mirak ek ti nourri enn la foule, li ti prend bann disposition pou ki ramasse tou mangé ki ti resté. (Mat. 14:19-21) Jésus ti evite faire gaspillage avek seki Jéhovah ti donné. Sa c’est enn bon l’exemple pou nou. Nou aussi nou kapav ‘montré ki nou ena reconnaissance’ kan nou servi bien tou seki Jéhovah donne nou par so “l’intendant fidele.”—Col. 3:15; Luc 12:42; Mat. 24:45-47.
2. Couma nou kapav evité ki bann periodik accumulé kot nou?
2 Periodik: Si nou pa offert bann periodik, sa kapav accumulé bien vite. Si souvent nou ena trop beaucoup periodik, nou bizin diminué nou commande. Ki nou pou faire avek bann ancien periodik? Mem si zot ancien, zot pa perdi zot valeur. Si nou ena bann ancien periodik ki’nn accumulé kot nou, kitfois surveillant service ou-soit enn lot ancien kapav aide nou pou trouve bann fason pratik pou place sa bann periodik-la.
3, 4. Ki bann point nou bizin rappel avant ki nou prend bann publication?
3 Lezot publication: Kan publication ki nou bizin offert, changé, avant ki nou demann bann nouveau publication la Salle du Royaume, verifié si nou pena deja sa kot nou. Faire attention pou prend zis quantité ki ou bizin pou la semaine. Ou kapav toujours reprend bann publication si ou bizin encore.
4 Concernant bann publication pou ou personnellement, passe zis commande ki ou bizin. Ecrire ou nom dan ou livre, dan l’espace ki finn reservé pou sa, coumsa ena moins sens ki ou perdi li. Si ou servi CD-ROM Watchtower Library ek ki ou finn garde ou bann copie personnel La Tour de Garde ek Réveillez-vous !, kitfois li pa necessaire ki ou passe commande bann volume relié.
5. Ki nou bizin pa blié kan nou pé offert bann publication?
5 Offert bann publication: Nou faire zeffort pou offert nou bann publication zis ar bann dimoune ki vrai-mem interessé. Pa blié ki c’est nou surtout ki ena responsabilité pou couvert frais sa bann publication ki ena valeur-la. Kan nou laisse enn publication avek bann dimoune ki interessé, pa hesité pou faire zot koné ki zot ena privilege pou soutenir l’oeuvre mondial par zot bann donation.
6. (a) Kifer nou accorde beaucoup valeur ar nou bann publication? (b) Ki sa pou empeche nou faire avek zot?
6 Par enn mirak, Jésus ti nourri bann dimoune lor plan physik, mais li ti nourri zot pli souvent lor plan spirituel. Jésus ti dire: “Enn dimoune bizin vive, pa zis avek di-pain, mais avek tou parole ki sorti dan la bouche Jéhovah.” (Mat. 4:4) Nou bann publication enseigne bann verité ki ena dan la Bible, ek ki bien important pou nou kapav gagne la vie eternel. (Jean 17:3) Zot ena trop beaucoup valeur pou ki nou gaspille zot!