Révision l’Assemblée Spécial Enn Jour

Bann questions ki éna enba, prépare nous pou prochain l’assemblée spécial enn jour (l’année service 2005) ek pou so révision par la suite. L’article “Enn Nouveau Disposition pou Faire Révision l’Assemblées,” lor page 4 sa supplément-la, expliqué ki manière bizin faire sa révision-la. Frère ki dirige sa discussion-la, bizin bien contrôle so lé-temps pou li kapav examine tou questions. Sa révision-la bizin surtout montré la congrégation couma zot kapav applique séki zot inn aprann dans l’assemblée.

SESSION LE MATIN

1. Kifer li plus ki jamais important ki nous écoute Jéhovah? Ki veut dire écouté? (“Kifer Nous Bizin Écoute Jéhovah”)

2. Couma eski bann famille kapav garde enn bon programme activités spirituel? (“Bann Familles Ki Écoute Parole Bondié Sans Laisse Zot l’Attention Détourné”)

3. Couma certains proclamateurs dans nou circonscription finn saisi l’occasions pou donne témoignage informel? (“Anou Faire Tou pou la Gloire Bondié”)

4. Ki leçons nous kapav tiré dans l’exemple d’avertissement ki éna dans Hébreux chapitres 3 ek 4? Couma Jéhovah pé koz ar nous zordi? (“Écouté kan Jéhovah Kozé, C’est enn Protection”)

5. Ki ou finn aprann dans discours baptême? (“L’offrande de Soi ek Baptême”)

SESSION L’APRÈS-MIDI

6. Ki nous kapav aprann lor comportement Jésus kan li ti encore enn jeune garçon, et couma bann jeunes dans nou circonscription kapav imite so l’exemple? (“Couma, kan Nou Bann Jeunes Prend Bien Compte Parole Bondié, Sa Fortifié Zot”)

7. Cite certaines façons couma bann parents kapav commence enseigne la vérité zot ti-baba ek zot bann jeune zenfants? (“Bann Ti-Zenfants Ki Écoute Bondié ek Ki Aprann”)

8. Dans ki bann domaines en particulier nous bizin écoute Jéhovah, so Garçon, ek “l’esclave fidèle et avisé”? (Mat. 24:45) Kifer li bien important ki nous faire sa? (“Anou Contigne Prend Compte l’Enseignement Bondié”)