Couma pou commence bann l’etude dan livre Ki la Bible enseigné vrai-mem?
Beaucoup parmi nou ti pou bien content dirige enn l’etude la Bible si seulement nou ti kapav reussi commence enn l’etude. Nouveau livre Ki la Bible enseigné vrai-mem? kapav aide nou pou faire sa. Nou kapav servi page 3-7 pou commence enn conversation lor la Bible avek enn dimoune, dan sa livre-la. Mem bann ki pena beaucoup l’experience dan predication pou trouve sa facile pou servi sa livre-la ek commence bann l’etude.
◼ Ou kapav servi page 3 ek essaye sa method-la:
Apré ki ou’nn mentionne enn nouvel ki’nn passé dan l’information, ou-soit enn problem ki tracasse bann dimoune dan ou territoire, montré dimoune-la bann question en caractere gras ki trouve lor page 3, ek demann li seki li pensé lor la. Apré sa montré li page 4-5.
◼ Ou-soit kitfois ou pou prefere attire l’attention directement lor page 4-5:
Ou kapav dire, “Eski li pa ti pou extraordinaire si sa bann changement ki nou trouvé lor sa bann zimage-la ti pou vrai-mem arrivé enn jour?” Ou-soit ou kapav demandé, “Lekel parmi sa bann promesse-la ou ti pou content trouve li realisé?” Ecoute bien seki dimoune-la reponn.
Si dimoune-la montré ki li bien interessé avek enn parmi bann verset, montré li seki la Bible enseigné lor sa sujet-la. Etudié bann paragraphe dan livre ki koz lor sa verset-la. (Guette l’encadré a coté.) Examine bann paragraphe pareil couma ou ti pou faire dan enn l’etude la Bible. Ou kapav faire sa dan cinq a dix minute pendant ou premier conversation avek dimoune-la, devant so la-porte.
◼ Ou kapav servi page 6 pou encourage dimoune-la pou dire seki li pensé:
Attire l’attention dimoune-la lor bann question ki ena en-bas dan page 6, ek demann li: “Eski ou’nn deja reflechi lor enn parmi sa bann question-la?” Si li montré l’interet pou enn parmi sa bann question-la, examine paragraphe ki reponn sa question-la. (Guette l’encadré a coté.) Kan ou pé examine bann renseignement ensam, ou pé dirige enn l’etude la Bible.
◼ Ou kapav servi page 7 pou montré couma enn l’etude la Bible deroulé:
Lire trois premier phrase lor page 7, ek apré sa ouvert chapitre 3 ek servi paragraphe 1-3 pou montré couma enn l’etude la Bible deroulé. Prend bann disposition pou retourné ek reponn bann question ki mentionné dan paragraphe 3.
◼ Prend bann disposition pou retourné:
Kan ou pré pou termine ou premier l’etude, prend bann disposition pou contigne ou conversation enn prochaine fois. Ou kapav dire: “Zis dan dé-trois minute, nou finn aprann seki la Bible enseigné lor enn sujet bien important. La prochaine fois, nou kapav koz lor [laisse enn question ki ou pou reponn plitar]. Eski mo kapav repassé mem l’heure semaine prochaine?”
Oui, pli nou kosté ar jour ki Jéhovah inn fixé, pli Li contigne donne nou seki nou bizin pou accompli travail ki nou ena pou faire. (Mat. 28:19, 20; 2 Tim. 3:17) Alors, anou servi bien sa nouveau zouti ki bien efficace pou commence bann l’etude la Bible.
[L’encadré page 3]
Explication bann verset ki ena lor page 4-5
◻ Révélation 21:4 (p. 27-8 § 1-3)
◻ Isaïe 33:24; 35:5, 6 (p. 36 § 22)
◻ Jean 5:28, 29 (p. 72-3 § 17-19)
◻ Psaume 72:16 (p. 34 § 19)
Reponse pou bann question ki trouve lor page 6
◻ Kifer nou souffert? (p. 108-9 § 6-8)
◻ Couma eski nou kapav faire face ar bann tracas dan la vie? (p. 184-5 § 1-3)
◻ Couma eski nou kapav konn plus bonheur dan la famille? (p. 143 § 20)
◻ Ki arrive nou kan nou mort? (p. 58-9 § 5-6)
◻ Eski enn jour nou pou retrouve bann ki nou ti content mais ki’nn mort? (p. 72-3 § 17-19)
◻ Couma eski nou kapav sur ki Bondié pou realise so bann promesse pou l’avenir? (p. 24-5 § 17)