Enn video ki attire l’attention lor enn developpement medical important

Bann professionel dan domaine legal ek dan domaine la santé pé accorde plus l’attention ar bann droit ek ar conscience bann malade. Sa finn favorise bann nouveau traitement ek nouveau technik ki bann Témoins de Jéhovah kapav profité. (Actes 15:28, 29) C’est sa-mem ki video Soigner sans transfuser — Besoins et droits du patient montré. Guette sa video-la, ek apré revise seki ou finn aprann.—Note: Parski ena bann boute kot montré bann scene l’operation, bann parent kapav decidé si zot pou laisse zot zenfant guette sa video-la ou-soit non.

(1) Kifer certain professionel dan domaine medical pé demandé si li vrai-mem necessaire mette di-sang? (2) Donne trois l’exemple l’operation compliké ki kapav faire sans mette di-sang. (3) Comié docteur ek chirurgien dan le monde finn montré ki zot disposé pou traite bann malade sans transfusion? Kifer zot disposé pou faire sa? (4) Ki bann recherche ki’nn faire par bann l’hopital montré concernant bann transfusion? (5) Ki bann risk ena kan mette di-sang? (6) Ki beaucoup expert inn decouvert lor bann l’avantage ki ena pou servi lezot traitement dan place transfusion? (7) Ki faire enn dimoune gagne l’anemie? Ziska ki point eski enn dimoune kapav anemie sans ki sa vinn enn danger pou so la-vie? Ki kapav faire pou soigne li? (8) Ki kapav faire pou augmente production bann globule rouge dan lekor enn malade? (9) Ki bann technik pé servi pou perdi moins di-sang pendant enn l’operation? (10) Eski kapav servi bann lezot traitement ki ena dan place transfusion pou bann ti zenfant, ou-soit dan bann cas kot dimoune-la inn perdi beaucoup di-sang ek so la-vie en danger? (11) Cite enn principe bien important ki bann docteur bizin prend en consideration kan zot donne bann soin medical. (12) Kifer li important ki bann chrétien choisir en avance ki bann traitement zot pou accepté dan place mette di-sang? Couma nou kapav faire sa?

Ena certain traitement ki sa video-la montré, ki nou kapav accepté si nou conscience ki’nn formé par la Bible permette nou pou faire sa—c’est enn decision personnel. Eski ou finn decidé ki bann traitement ou disposé pou accepté dan place transfusion pou ou-mem ek pou ou bann zenfant? Nou bizin aussi faire bann membre nou famille ki pa Témoin koné ki bann decision nou finn prend, ek kifer nou finn prend sa bann decision-la.—Guette “ Questions des lecteurs ” dan La Tour de Garde 15 juin 2004, ek 15 octobre 2000.