Pli bon soin medical ki kapav ena
“Enn patient ki operé sans transfusion, en realité gagne pli bon qualité traitement medical ki kapav ena.” C’est seki docteur Michael Rose, chef dan enn departement anesthesie, ti dire. Ki bann traitement ek bann alternative nou kapav trouvé parmi bann “soin medical sans transfusion”? Ou bizin koné ki sa bann traitement-la sa, pou ou kapav reflechi bien ki decision ou pou prend dan domaine traitement medical ek l’operation. Guette film Pas de sang : la médecine relève le défi. Apré, reponn sa bann question ki ena apré-la pou verifié seki ou’nn comprend.—Note: Parski ena bann boute kot montré bann scene l’operation, bann parent bizin decidé si zot pou laisse zot zenfant guette sa film-la ou-soit non.
(1) Pou ki raison principal bann Témoins de Jéhovah refuse prend di-sang? (2) Ki bann Témoins de Jéhovah souhaité concernant bann soin medical? (3) Ki droit fondamental bann patient ena? (4) Kifer enn dimoune ki choisir enn traitement dan place transfusion, li raisonnable ek li montré ki li senti-li responsable so la-santé? (5) Kan enn patient pé perdi beaucoup di-sang, ki deux priorité bann docteur ena? (6) Ki quatre principe impliké dan bann alternative dan place transfusion? (7) Couma bann docteur kapav (a) diminué quantité di-sang ki enn patient perdi, (b) garde bann globule rouge, (c) augmente production di-sang, ek (d) recupere di-sang ki pé perdi? (8) Decrire traitement ki faire (a) par hémodilution ek (b) kan recupere di-sang ki pé perdi. (9) Ki ou bizin koné concernant n’importe ki alternative dan place transfusion? (10) Eski kapav faire bann grand l’operation ki compliké sans servi di-sang? (11) Ki developpement positif pé deroulé dan domaine medical?
Ena certain traitement ki sa video-la montré, ki nou kapav accepté si nou conscience ki’nn formé par la Bible permette nou—sa li enn decision personnel. Eski ou finn decidé ki bann traitement ou disposé pou accepté pou ou-mem ek pou ou bann zenfant dan place transfusion? Nou bizin aussi faire bann membre nou famille ki pa Témoin koné ki bann decision nou finn prend, ek kifer nou finn prend sa bann decision-la.—Guette “ Questions des lecteurs ” dan La Tour de Garde 15 juin 2004, ek 15 octobre 2000.