Eski ou konn bann choix ki ou ena?

Dan beaucoup centre medical dan le monde, pli allé bann docteur pé faire bann l’operation sans transfusion di-sang. Eski ou bien informé lor bann choix ki bann docteur, ki faire bann l’operation ki pa servi di-sang, proposé? Ou bizin koné ki bann traitement zot proposé, pou ou kapav reflechi bien ki decision ou pou prend dan domaine traitement medical ek l’operation. Guette video Pas de sang​—la médecine relève le défi. Apré, prié ek examine seki ou finn aprann avek l’aide sa bann question ki ena ici-la.​—Note: Parski ena bann boute kot montré bann scene l’operation, bann parent bizin decidé si zot pou laisse zot zenfant guette sa film-la ou-soit non.

(1) Pou ki raison principal bann Témoins de Jéhovah refuse prend di-sang? (2) Ki bann Témoins de Jéhovah souhaité concernant bann soin medical? (3) Ki droit fondamental bann patient ena? (4) Kifer eski kan nou choisir bann traitement ki pa servi di-sang, nou pé agir dan enn fason raisonnable ek responsable? (5) Kan enn patient pé perdi beaucoup di-sang, ki deux priorité bann docteur ena? (6) Ki quatre principe impliké dan lezot choix ki ena dan place servi di-sang? (7) Couma bann docteur kapav (a) faire enn dimoune perdi moins di-sang, (b) preserve bann globule rouge, (c) accelere production di-sang, ek (d) recupere di-sang ki pé perdi? (8) Decrire (a) hémodilution ek (b) technik pou recupere di-sang ki pé perdi. (9) Ki ou bizin koné concernant tou bann traitement ki pa servi di-sang? (10) Eski kapav faire bann grand l’operation ki compliké sans servi di-sang? (11) Ki developpement positif pé deroulé parmi personnel medical?

Chaque chretien pou decidé personnellement, en accord avek so conscience ki’nn formé par la Bible, si li pou accepté ou-soit non certain traitement ki mentionné dan sa video-la. Avant ki ou rempli ou carte Pa mette di-sang (No blood), eski ou finn fini decidé ki bann traitement precis ki ou disposé pou accepté pou ou-mem ek pou ou bann zenfant? Pou gagne plus renseignement lor la, ré-examine avek attention “ Questions des lecteurs ” dan La Tour de Garde 15 juin 2004 ek 15 octobre 2000, en français. Pou aide ou prend ou decision personnel concernant bann choix ki ou accepté ou-soit ki ou refusé, servi bann tableau ki ena dan lartik “Ki decision mo pou prend concernant bann fraction di-sang ek bann soin medical kot servi mo prop di-sang?” ki trouve dan supplement Ministère du Royaume novembre 2006. En dernier, verifié bien ki ou’nn mark dan enn fason bien clair bann choix ki ou’nn faire, lor ou carte Pa mette di-sang (No Blood). Ou bizin aussi verifié ki bann dimoune ki’nn signe ou carte ek bann membre ou famille ki pa Témoin zot bien comprend decision ki ou finn prend.