Eski ou konn bann choix ki ou ena?

Dan beaucoup centre medical dan le monde, pli allé pé faire bann l’operation sans transfusion di-sang. Eski ou bien informé lor bann choix ki ena concernant bann traitement medical kot pa servi di-sang? Ou bizin koné ki sa bann traitement-la sa, pou ou kapav reflechi bien ki decision ou pou prend dan domaine traitement medical ek l’operation. Guette video Pas de sang : la médecine relève le défi. Apré, examine dan la priere seki ou finn aprann avek l’aide sa bann question ki ena ici-la.—Note: Parski ena bann boute kot montré bann scene l’operation, bann parent bizin decidé si zot pou laisse zot zenfant guette sa film-la ou-soit non.

(1) Pou ki raison principal bann Témoins de Jéhovah refuse prend di-sang? (2) Ki bann Témoins de Jéhovah souhaité concernant bann soin medical? (3) Ki droit fondamental bann patient ena? (4) Kifer enn dimoune ki choisir enn lot traitement dan place transfusion, li montré ki li raisonnable ek ki li prend compte so la santé? (5) Kan enn patient pé perdi beaucoup di-sang, ki deux priorité bann docteur ena? (6) Ki quatre principe impliké dan lezot choix ki ena dan place servi di-sang? (7) Couma bann docteur kapav (a) diminué quantité di-sang ki enn patient perdi, (b) garde bann globule rouge, (c) accelere production di-sang, ek (d) recupere di-sang ki pé perdi? (8) Decrire traitement ki faire par (a) hémodilution ek (b) technik pou recupere di-sang ki pé perdi. (9) Ki ou bizin koné concernant n’importe ki lezot traitement ki ena dan place servi di-sang? (10) Eski kapav faire bann grand l’operation ki compliké sans servi di-sang? (11) Ki developpement positif pé deroulé parmi personnel medical?

Chaque chretien pou decidé personnellement, en accord avek so conscience ki’nn formé par la Bible, si li pou accepté ou non certain traitement ki mentionné dan sa video-la. Eski ou finn prend enn decision bien precis concernant bann traitement ki ou disposé pou accepté pou ou-mem ek pou ou bann zenfant ek apré rempli ou carte Pa mette di-sang? Pou gagne plus renseignement lor la, réexamine avek attention “ Questions des lecteurs ” dan La Tour de Garde 15 juin 2004, ek 15 octobre 2000 en français. Apré servi bann tableau ki ena dan lartik “Ki decision mo pou prend concernant bann fraction di-sang ek bann soin medical kot servi mo prop di-sang?” ki trouve dan supplement Ministere du Royaume novembre 2006, pou prend ou decision personnel concernant bann choix ki ou accepté ou-soit ki ou refusé. En dernier, faire sur ki ou ecrire ou bann choix dan enn fason bien clair lor ou carte Pa mette di-sang (No Blood). Ou bizin aussi faire sur ki bann dimoune ki’nn signe ou carte ek bann membre ou famille ki pa Témoin zot bien informé lor decision ki ou finn prend.

[L’encadré lor page 3]

• Eski ou finn prend enn decision bien precis concernant bann traitement ki ou disposé pou accepté pou ou-mem ek pou ou bann zenfant?

• Eski ou ena avek ou, ou carte Pa mette di-sang ki’nn bien rempli en cas ena enn urgence?