U Bizin Get Kaset Video No Blood—Medicine Meets the Challenge
Ki kantite eski u konn bann posibilite ki ena dan domenn medsinn san transfizyon? Eski u konpran sertin teknik ki servi pu tret dimunn san met disan ek kuma zot travay? Get sa kaset video la ek teste u konesans avek bann kestyon ki vini apre la.—Not: Parski dan sa kaset la ena bann ti senn loperasyon, bann paran bizin fer atansyon kan zot get sa kaset la avek zot bann ti zanfan.
(1) Pu ki rezon inportan bann Temwin Zeova pa met disan, ek kot sa prinsip la truve dan Labib? (2) Ki nu anvi, kan li konsern swin medikal? (3) Ki drwa inportan bann pasyan ena? (4) Kifer eski li rezonab ek li enn aksyon responsab pu refiz met disan? (5) Kan enn dimunn finn perdi enn gran kantite disan, ki de priyorite irzan bann dokter ena? (6) Ki bann risk ena pu lasante kan met disan? (7) Ki bann zuti bann dokter ena pu ki enn dimunn perdi mwins disan kan li fer loperasyon? (8) Ki u bizin kone konsernan tu sa bann teknik ki servi pu tret dimunn san met disan la? (9) Eski kapav fer bann loperasyon grav ek konplike san met disan? (10) Pli ale, ki bann dokter dispoze fer pu bann Temwin Zeova, ek ki kitsoz kapav finalman vinn enn model tretman pu tu bann pasyan?
Li pu sirman itil pu get sa kaset video la ansam avek tu u bann letid, u konzwin uswa bann fami ki pa Temwin, bann kamarad travay, bann profeser, ek bann kamarad lekol ki kapav poz kestyon lor nu pwindevi lor disan. Li enn desizyon personel ki baze lor seki nu konsyans dir nu, pu aksepte enn parmi sa bann tretman ki prezante dan sa kaset video la.—Get “Kestyon Bann Lekter” ki dan Latur Degard 15 Zin ek 15 Oktob, 2000, an Franse.