Anou Tire Profit Avec Vidéo Pas de sang : la médecine relève le défi

Ki quantité connaissance ou éna lor bann choix ki disponible dans domaine médical sans transfusion? Eski ou comprend certains techniques ki servi pou traite bann dimoune sans mette du sang ek couma sa bann techniques-la fonctionné? Guette sa vidéo-la, ek testé ou connaissance avec sa bann questions-la.—Noté: Dans sa film-la éna bann scènes l’opération, à cause sa bann parents bizin décidé si zot bann tipti zenfants kapav guette sa ou non.

(1) Pou ki raison principal bann Témoins Jéhovah pa mette du sang, ek kot sa principe-la trouvé dans la Bible? (2) Ki qualité soins médical nous envie gagné? (3) Ki droit fondamental bann patients éna? (4) Kifer eski li pa ni déraisonnable ni irresponsable pou refuse mette du sang? (5) Kan enn dimoune finn perdi beaucoup du sang, ki deux priorités urgent bann docteurs éna? (6) Ki bann risques éna pou la santé, kan mette du sang? (7) Ki zoutils bann docteurs éna pou ki enn dimoune perdi moins du sang kan li faire l’opération? (8) Ki ou ti pou content koné concernant bann techniques ki servi pou traite dimoune sans mette du sang? (9) Eski kapav faire bann l’opérations grave ek compliqué sans mette du sang? (10) Ki bann docteurs de plus en plus disposé faire pou bann Témoins de Jéhovah, ek ki kapav enn jour vinn enn traitement général pou tou bann patients?

Chaque dimoune bizin décidé personellement ek d’après so conscience si li pou accepté enn parmi bann traitements ki présenté dans sa vidéo-la.—Guette La Tour de Garde 15 Juin 2004, p. 22-4, 29-31, ek La Tour de Garde 15 Octobre 2000, p. 30-1.