Eski ou kapav adapté ou program?
1. Kifer nou bizin adapté nou program pou preché?
1 En tant ki vrai chrétien, nou finn accepté l’invitation pou “lapeche bann dimoune.” (Mat. 4:19) Pareil couma enn pecheur bizin al lapeche dan bon l’heure pou li gagne beaucoup poisson, nou’si nou bizin adapté nou program ek al lapeche bann dimoune dan l’heure kot pli beaucoup dimoune lakaz. Normalement, dan tantot ena pli beaucoup dimoune kot zot. Souvent, sa l’heure-la zot enn tipé pli relax ek zot pli disposé pou gagne bann visiteur. Eski ou kapav adapté ou program pou preché sa l’heure-la?—1 Cor. 9:23.
2. Ki nou kapav faire pou partage la bonne nouvelle avek pli beaucoup dimoune?
2 Preché dan tantot: Si ou organise-ou a l’avance pou preché dan tantot, sa kapav permette ou partage la bonne nouvelle avek pli beaucoup dimoune. (Prov. 21:5) Bann jeune kapav preché apré lekol. Lezot kitfois kapav participe dan predication apré zot l’heure travail. Certain group l’etude de livre kapav organise-zot pou preché enn heure-temps avant l’etude de livre.
3. Dan ou territoire, couma ou kapav preché dan tantot ek mem enn tipé pli tard?
3 Si nou preché dan tantot, kitfois nou pou kapav joinde bann dimoune ki souvent pa là kan nou passé. Dan beaucoup territoire, li possible pou faire la voie publik dan tantot ek preché dan lezot place publik aussi. Beaucoup proclamateur trouvé ki pli bon moment pou faire bann visite ek commence bann l’etude biblik c’est dan tantot ek mem enn tipé pli tard.
4. Kifer li important ki nou ena bon jugement ek montré consideration kan nou preché dan tantot?
4 Nou bizin ena bon jugement: Nou bizin ena bon jugement kan nou preché dan tantot. Normalement li bon ki nou pa preché ou-soit visite bann dimoune trop tard; kitfois dimoune-la pré pou al dormi. (Phil. 4:5) Kan ou tappe la porte, li bon ki ou deboute dan enn place kot dimoune-la kapav trouve ou, ek li important ki ou dire dimoune-la kisannla ou été. Pa tardé pou dire kifer ou devant so la-porte. Si arrivé ou’nn al tappe la porte dan enn mauvais l’heure, par exemple kan zot pé mangé, demann dimoune-la si ou kapav repassé enn lot l’heure. Touletan montré ki ou ena consideration pou lezot.—Mat. 7:12.
5. Couma nou kapav evite bann danger kan nou preché?
5 Nou bizin aussi prend compte bann danger ki kapav ena. Li pa sage pou voyage tousel si ou pé preché kan pré pou faire noir ou-soit kan inn fini faire noir. Li bon ki ena enn kikenn avek ou ou-soit ou voyage en group. Preche dan bann chemin kot ena la lumiere, kot ena bann dimoune ek kot ou senti-ou en securité. Evite bann l’endroit ki kapav dangereux a-soir.—Prov. 22:3.
6. Ki lot bienfait nou kapav gagné kan nou preché dan tantot?
6 Kan nou preché dan tantot, kitfois nou pou gagne l’occasion pou travail ensam avek bann pionnier auxiliaire ou-soit bann pionnier permanent. (Rom. 1:12) Eski ou kapav adapté ou program pou preché dan tantot?