Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • km 12/06 p. 6
  • Eski ou ena enn territoire personnel?

Pena video ki disponib pou seki ou finn swazir.

Sori, enn erer inn anpes sa video-la zwe.

  • Eski ou ena enn territoire personnel?
  • Ministere du Royaume—2006
  • Lor Mem Size
  • Eski Ou Pou Gagne Bann Bienfait si Ou Ena enn Territoire Personnel?
    Ministere du Royaume—2013
  • Kan bann dimoune pa kot zot
    Ministere du Royaume—2007
Ministere du Royaume—2006
km 12/06 p. 6

Eski ou ena enn territoire personnel?

1. Ki été enn territoire personnel?

1 Enn territoire personnel, c’est enn territoire ki donne ou pou ou preché. Li kapav enn territoire ki pré, kot ou kapav preché tousel, ou-soit avek enn lot proclamateur. Li bon ki nou soutenir bann rendez-vous ki organisé par congregation pou preché en group. Mais kan nou ena enn territoire personnel kot nou kapav preché dan bann lezot l’occasion, sa kapav aide nou pou donne enn temoignage complet, surtout dan bann congregation kot ena enn grand territoire.—Actes 10:42.

2. Ki l’avantage nou ena kan nou ena enn territoire personnel?

2 Bann l’avantage: Certain inn trouvé ki li plus dan zot l’avantage si zot preche dan enn territoire personnel ki pré ar zot travail pendant zot l’heure dejeuner ou-soit dé-suite apré travail. Lezot inn bien content pou preché en famille dan zot l’endroit pendant apepré enn heure-temps avant l’etude de livre. Coumsa zot gagne bann visite ek l’etude ki pa loin, seki permette zot faire l’economie zeffort, le temps ek l’argent. Enn territoire personnel kapav aide certain pou faire pionnier auxiliaire de temps en temps ou-soit-mem pou prend service pionnier permanent, parski zot kapav faire plus sans perdi le temps. En plus, kan nou travail dan enn territoire personnel, nou konn bien bann dimoune ki reste dan sa territoire-la. Sa kapav aide nou pou gagne zot confiance ek pou adapté nou presentation ar seki interesse zot. Lerla nou predication pou pli efficace.

3. Raconte l’experience ki enn pionnier ti gagné kan li ti demann enn territoire personnel.

3 Surveillant circonscription ti encourage enn pionnier pou ena enn territoire personnel. Sa pionnier-la raconté: “Mo finn suive so conseil ek bien vite mo finn bien konn bann dimoune ki reste dan mo territoire ek mo’nn habitué avek zot. Mo ti adapté bann moment kot mo ti faire mo bann visite ar zot program. Resultat: Mo bann visite inn augmenté, inn sorti 35 pou arrive plus ki 80 par mois, ek mo ena sept l’etude.”

4. Couma ou kapav gagne enn territoire personnel ek travail sa territoire-la?

4 Couma kapav gagne enn territoire personnel: Si ou envie gagne enn territoire personnel, koz avek sa frere ki occupe territoire-la. Senti-ou libre pou invite enn lot proclamateur pou travail avek ou, ek prend note bann ki absent. Ou bizin essaye fini travail sa territoire-la dan quatre mois. Si ou gagne difficulté pou faire sa, ou kapav rod l’aide avek ou surveillant l’etude de livre ou-soit avek lezot proclamateur. Apré quatre mois, ou kapav soit retourne territoire ki ou’nn terminé-la, soit demann pou travail ladan encore. Mais, fodé pa ki ou garde mem territoire touletan; ou bizin retourne li pou ki lezot gagne possibilité demann sa territoire-la. Si ou dan enn congregation kot pena beaucoup territoire ek ki li pa possible pou gagne enn territoire personnel, kitfois ou kapav demann ou surveillant l’etude de livre enn partie dan territoire so l’etude de livre.

5. Ki kitsoz necessaire pou kapav rempli nou mission pou preché?

5 Mission ki nou’nn gagné pou preché “partout kot dimoune resté lor la terre,” li enn grand travail. (Mat. 24:14) Li demande enn bon l’organisation. Si nou preché en group avek la congregation ek nou aussi ena enn territoire personnel, sa kapav aide nou pou faire pli beaucoup dimoune possible konn la bonne nouvelle.

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze