Eski Ou Pou Gagne Bann Bienfait si Ou Ena enn Territoire Personnel?
1. Ki été enn territoire personnel?
1 Ki été enn territoire personnel? C’est enn territoire ki pou ou, ki trouve kitfois pré kot ou resté, ek c’est surtout dan bann congregation ki ena enn grand territoire ki sa disponible. Livre Organisés donne sa l’explication-la lor page 103: “Si ou ena enn territoire personnel pré kot ou, sa pou permette ou servi pli bien ou le temps dan predication. Bien sur, si ou envie ou kapav invite enn lot proclamateur pou accompagne ou dan ou territoire personnel.”
2. Couma enn territoire personnel kapav aide ou faire plus dan predication?
2 Aide Ou pou Faire Plus: Si ou gagne enn territoire pré kot ou travail, ou kapav preché dan ou ler dejeuner ou-soit apré travail, kitfois enn proclamateur ki travail pré kapav accompagne ou. Si ou gagne enn territoire pré kot ou lakaz, ou ek ou famille kapav preché en soirée. Bien sur, si pena reunion predication, li pou bon ki ou prié pou gagne direction Jéhovah avant ki ou commence preché. (Phil. 4:6) En plus, ou bizin trouve enn l’equilibre entre quantité le temps ki ou preché dan ou territoire personnel ek le temps ki ou depensé pou soutenir ou groupe predication. Surtout dan week-end, kan beaucoup proclamateur zwenn pou predication, li pli bon ki ou soutenir ou groupe.
3. Ki bann bienfait nou gagné kan nou ena enn territoire personnel?
3 Bann Bienfait: Si ou ena enn territoire personnel, ou ena enn place pou preché n’importe kan ou programme permette ou. Ou kapav passe plus le temps dan predication ek moins le temps pou voyagé. Sa permette certain pou faire pionnier auxiliaire ou-soit permanent. Bann dimoune ki montré l’interet reste pré kot ou, alors li pli facile pou faire bann visite ek bann l’etude la Bible. Beaucoup proclamateur remarké ki kan zot ena enn territoire personnel sa aide zot pou konn bann dimoune pli bien ek aide zot ena confiance, surtout si faire territoire-la plusieurs fois avant ki retourne carte territoire pou bann lezot proclamateur. Eski si ou ena enn territoire personnel sa pou aide ou ek ou famille accompli zot ministere a fond?—2 Tim. 4:5.