Preché sans arreté
1 Parfois, nou kapav ena sentiment ki nou finn travail plusieurs fois nou territoire ek nou finn faire sa a fond mais sans gagne beaucoup resultat. Pourtant, ena bann bon raison ki pousse nou pou contigné preché.—Mat. 28:19, 20.
2 Couma enn temoignage: Dan signe ki Jésus ti donné lor “conclusion sa systeme-la” ena plusieurs l’evenement ek Jésus ti annoncé ki predication lor Royaume Bondié ti pou forme enn partie bien important dan sa signe-la. Li ti dire aussi ki pou accompli sa travail-la “couma enn temoignage pou tou bann nation.” (Mat. 24:3, 14) Kan bann dimoune trouve nou participe dan predication la bonne nouvelle lor Royaume Bondié, sa donne enn grand temoignage. Apré ki nou quitte enn l’endroit, certain dimoune kapav koz lor nou visite pendant enn bon moment ou-soit pendant plusieurs jour, mem si zot pa finn ecoute nou message. Kan nou comprend bann raison pou kifer nou preché, sa aide nou pou perseveré. Kan nou donne enn temoignage bann dimoune ek nou averti zot lor destruction ki pé vini, nou faire Jéhovah plaisir parski nou pé realise bann prophetie la Bible.—2 Thess. 1:6-9.
3 Nou bizin perseveré: Parski bann dimoune ena tellement beaucoup distraction ek beaucoup kitsoz pou faire ki nou bizin perseveré kan nou essaye developpe zot l’interet pou nou message. Enn madame ti gagne visite bann Témoins chaque semaine pendant enn an avant ki li ti decidé pou invite zot pou rentré pou gagne enn discussion lor la Bible. Li ti tellement content seki li ti aprann ki li ti accepté enn l’etude la Bible, li ti commence vinn reunion, ek bien vite li ti faire koné ki li envie baptisé.
4 Bann condition dan le monde pé changé bien vite, ek bann dimoune aussi pareil. Beaucoup ki ti refuse ecoute nou message avant, kitfois asterla zot envie ecoute sa message l’esperance reconfortant ki nou preché-la. Si zis enn dimoune accepté message lor Royaume Bondié, nou perseverance pa pou’nn dan vide.
5 Dan le monde entier, pli allé pli beaucoup dimoune pé “plaigné a cause bann kitsoz detestable ki pé faire.” (Ézék. 9:4) Bann resultat ki nou predication pé gagné montré ki bann ki ena l’attitude ki bizin, pé accepté message lor Royaume Bondié. (Is. 2:2, 3) Alors, anou contigne preché sans arreté kan nou perseveré avek l’amour pou “amenn enn bon nouvelle lor enn kitsoz ki pli bon.”—Is. 52:7; Actes 5:42.