L’etude personnel ek l’etude familial, zot bien important!
1. Dan sa lepok ki nou pé vive-la, ki l’attention special College central ena pou nou, ek kifer?
1 Pareil couma dan premier siecle, College central envie faire tou seki li kapav pou prend soin bann serviteur Jéhovah. (Actes 15:6, 28) Alors ki la grande tribulation pé kosté, li important ki chaque proclamateur Royaume Bondié ena bann relation solide avek Jéhovah. Couma ou pou servi le temps ki avant ou ti consacré pou assisté l’etude de livre? Nou tou encouragé pou servi sa le temps-la pou adore Jéhovah en famille. Kan nou servi nou le temps avek sagesse, sa pou permette nou etudié Parole Bondié plus en profondeur ek pou profite bann l’enseignement ki ena ladan.—Ps. 1:1-3; Rom. 11:33, 34.
2. Couma nou kapav programme nou soirée kot nou adore Jéhovah en famille?
2 Soirée pou adore Jéhovah en famille: Bann chef famille encouragé pou prend responsabilité ki zot ena devant Jéhovah ek assure-zot ki zot famille pé suive enn programme l’etude familial ki serieux ek regulier. (Deut. 6:6, 7) Bann frere ek soeur celibataire ki pena okenn responsabilité familial pou kapav servi sa le temps-la pou faire l’etude personnel ek bann recherche. Li bien important ki nou tou nou “reacheté le temps ki bizin” pou etudié ek pou medité pou nou kapav garde enn relation solide avek Jéhovah malgré ki nou pé vive dan “enn mauvais lepok.”—Éph. 5:15, 16.
3, 4. Ki suggestion nou ena concernant bann kitsoz ki nou kapav etudié ek avek ki l’objectif?
3 Ki pou etudié: L’index des publications Watch Tower ou-soit Watchtower Libray lor CD-ROM kapav aide ou pou trouve bann renseignement ki pou rann ou l’etude la Bible interessant. Bann famille kapav examine bann lartik La Tour de Garde couma lartik “ Clés du bonheur familial, ” “ Enseignez vos enfants, ” ek lartik “ Pour nos jeunes lecteurs. ” Ena aussi enn serie lartik dan Réveillez-vous ! ki appel “ Les jeunes s’interrogent... ” ek bann lartik ki koz lor bann kitsoz extraordinaire ki ena dan creation.
4 Kan nou lire la Bible ensam sans pressé, sa pou permette tou bann membre la famille pou rappel ek applik bann principe Bondié dan zot la vie. (Héb. 4:12) Dan bann lezot l’occasion, ou kapav guette enn parmi bann video ki’nn produire par l’organisation ek discute lor la. Ou pou gagne l’occasion pou servi ou l’imagination pou choisir ki ou pou etudié ek couma pou etudié sa. Kifer ou pa demann bann membre ou famille ki kitsoz zot ti pou content etudié?
5. Kifer l’etude personnel ek en famille tellement important dan nou la vie asterla?
5 Kifer sa important asterla: Kan nou renforce nou relation avek Jéhovah, sa pou prepare nou pou “tini ferme ek pou guette delivrance ki Jéhovah pou amené.” (Ex. 14:13) Bann parent bizin direction Jéhovah pou elevé zot zenfant “parmi enn generation ki mauvais ek ki degradé.” (Phil. 2:15) Bann zenfant bizin l’aide pou zot kapav faire face ar niveau moralité ki pé baissé dan bann lekol zordi. (Prov. 22:3, 6) Bann couple pou faire bien si zot renforce sa “la corde trois tresse” ki lié zot avek Jéhovah-la. (Eccl. 4:12) Alors, anou servi avek sagesse le temps ki resté pou batir nou-mem dan nou “bann croyance ki bien saint”!—Jude 20.