Question Ki’nn Soulevé

◼ Ki ou bizin faire si bann dimoune dire ou arrete preché?

Parfois, la police inn approche bann proclamateur, inn dire zot ki zot pé agir kont la loi, ek inn donne zot l’ordre pou arrete preché. Si dire ou faire sa, desuite ou bizin disposé pou quitte territoire. (Mat. 5:41; Phil. 4:5) Pa essaye reglé situation-la par ou-mem par enn discussion lor nou bann droit. Si possible, avek tact, note numero ki ena lor so uniforme policier-la ek section kot li travail. Informe bann ancien bien vite, ek zot, zot pou prend contact avek bureau la filiale. Pareil aussi, si enn dimoune ki en charge enn batiment ou enn residence demann ou pou sorti dan sa l’endroit-la, faire li desuite ek informe bann ancien. Kan nou manifesté la douceur ek l’humilité envers bann ki ena enn certain l’autorité, sa kapav evite beaucoup probleme inutile.—Prov. 15:1; Rom. 12:18.