“Vinn bien zelé grace a l’esprit saint”
1. Ki nou bizin ena dan nou predication?
1 Nou bizin toujours actif dan chaque partie nou ministere chretien. Nou gagne l’encouragement pou “vinn bien zelé grace a l’esprit saint” ek pou “travail couma bann esclave pou Jéhovah.” (Rom. 12:11) Selman, ena beaucoup kitsoz ki kapav diminué nou zele pou nou ministere. Couma eski nou kapav “réallume couma enn difé,” nou zele ek nou l’enthousiasme dan nou service pou Royaume Bondié?—2 Tim. 1:6, 7.
2. Ki lien ena entre l’etude personnel ek zele dan ministere?
2 L’etude personnel: Enn proclamateur Royaume Bondié ki efficace, c’est enn kikenn ki content la loi Bondié ek ki bien touché par la verité ki ena ladan. (Ps. 119:97) Kan nou trouve bann tresor ki ena dan la Bible pendant nou l’etude personnel, sa touche nou leker, motive nou ek augmente nou zele. Nou l’amour pou sa Kikenn ki’nn donne nou sa bann verité-la, ek nou desir pou partage la bonne nouvelle avek lezot, motive nou pou loué Bondié ek pou koz lor so nom en publik. (Héb. 13:15) Oui, li clair ki kan nou preche la bonne nouvelle avek tou nou leker, sa montré ki nou ena enn grand l’appreciation pou so valeur.
3. Couma l’esprit Bondié kapav influence nou ministere?
3 Prié pou gagne l’esprit Bondié: C’est pa grace a nou prop la force ki nou kapav accompli enn ministere efficace. Pou nou kapav bien zelé, fodé ki nanyin pa empeche l’esprit saint Bondié agir dan nou la vie. (1 Pierre 4:11) Kan nou vinn pli proche avek sa Kikenn ki la source “l’energie actif[-la],” sa pou donne nou la force spirituel pou rann temoignage avek courage. (Is. 40:26, 29-31) Kan l’apotre Paul ti faire face avek l’opposition dan so ministere, li “ti gagne l’aide ki Bondié donné.” (Actes 26:21, 22) L’esprit saint Jéhovah ki donne la force, kapav aide nou pou vinn zelé dan nou ministere. Alors, nou bizin prié pou gagne sa l’esprit-la.—Luc 11:9-13.
4. (a) Ki bann bon resultat, zele kapav ena? (b) Selman, ki bann kitsoz nou bizin veille bien?
4 Enn grand zele pou preche Royaume Bondié souvent augmente zele parmi tou bann chretien. (2 Cor. 9:2) Dan territoire, bann dimoune pou ena enn meilleur reaction ar enn message ki nou presenté avek enthousiasme ek conviction. Selman, nou zele touletan bizin marche ensam avek tact ek douceur. (Tite 3:2) Touletan nou bizin traite bann dimoune avek dignité ek respecté zot liberté pou choisir.
5. Ki conseil biblik nou bizin faire zeffort pou appliké?
5 En tant ki bann proclamateur Royaume Bondié, anou toujours “bien zelé grace a l’esprit saint.” Anou developpe nou zele par l’etude personnel la Bible ek par la priere sincere ar Jéhovah, Li-mem ki kapav donne nou la force a travers l’esprit saint. Coumsa, avek zele nou pou kapav accompli nou ministere “avek l’esprit saint ek enn grand conviction.”—1 Thess. 1:5.