Nou bann Témoins 24 heure lor 24
1. Ki nou aprann concernant seki Jésus ti faire kan li ti rann temoignage avek enn femme kot enn puit?
1 Jésus ti’nn marché pendant plusieurs ler. Li ti fatigué ek ti pé gagne soif. Pendant ki so bann disciple ti’nn al acheté mangé, li ti assize kot enn puit en dehors enn la ville samaritain, pou li reposé. Jésus pa ti al dan Samarie pou preché; li ti pé zis passe par la pou al dan Galilée pou contigne so ministere la-bas. Malgré sa, li ti’nn saisi l’occasion pou rann temoignage avek enn femme ki ti pé vinn prend de l’eau. (Jean 4:5-14) Kifer? Jésus touletan ti enn “temoin [Jéhovah] fidele ki dire la verité.” (Rév. 3:14) Nou imite Jésus kan nou reste enn Témoin de Jéhovah 24 heure lor 24.—1 Pierre 2:21.
2. Couma nou kapav prepare-nou pou rann temoignage informel?
2 Prepare-ou: Nou kapav prepare-nou pou rann temoignage informel kan nou amenn bann publication avek nou. Beaucoup proclamateur garde bann tract avek zot ek zot offert sa bann commercant, bann ki travail lor filling, ek lezot dimoune ki zot joinde dan la journée. (Eccl. 11:6) Enn soeur ki voyagé souvent faire sur ki li ena enn ti la bible ek enn livre Ki la Bible enseigné? dan so sac, ek li essaye commence enn conversation avek bann dimoune ki assize pré kot li.
3. Couma nou kapav commence enn conversation?
3 Commence enn conversation: Kan nou rann temoignage informel, nou pa obligé commence par enn sujet basé lor la Bible. Kan Jésus ti koz avek sa femme kot puit-la, Jésus pa ti dire li ki li le Messie, pou commence so conversation. Li ti zis demann li de l’eau, ek sa finn faire femme-la envie konn plus. (Jean 4:7-9) Enn soeur finn trouvé ki sa methode-la aide li pou commence enn conversation kan bann dimoune demann li si li finn bien amusé pendant enn certain fête. Au lieu ki li reponn ki li pa faire sa fête-la parski li enn Témoin de Jéhovah, li dire: “C’est enn choix personnel ki mo’nn faire pou pa celebré sa fête-la.” Souvent, dimoune-la envie konn plus ek demann li kifer, ek lerla soeur-la rann li temoignage.
4. Kifer Matthieu 28:18-20 motive ou?
4 Mem si Jésus inn fini accompli so ministere avek zele lor la terre, li contigne bien interessé ar l’activité predication ki pé faire, pareil couma li, li ti faire. (Mat. 28:18-20) Alors, pareil couma nou l’Exemple, Jésus, nou aussi nou bann Témoins ki’nn paré pou faire enn declaration publik concernant nou la foi dan n’importe ki moment.—Héb. 10:23.