Question Ki’nn Soulevé

◼ Comié le temps nou bizin faire l’etude enn kikenn ki pé progressé?

Li pli bon ki nou contigne faire l’etude enn kikenn ki pé progressé ziska ki li fini deux livre: Ki la Bible enseigné vrai-mem? ek “Reste dan l’amour Bondié.” Sa li appliké mem si etudiant-la prend bapteme avant ki li fini sa deux livre-la. Apré so bapteme, nou kapav contigne compte l’heure, visite ek l’etude lor nou rapport. Si enn proclamateur accompagne nou ek li participe dan l’etude, li aussi li kapav compte so l’heure.​—Guette Ministere du Royaume mars 2009, page 2.

Li important ki bann nouveau ena enn bon base dan la verité avant ki nou arrete etudié avek zot. Zot bizin “enraciné” en Christ ek “stable dan la foi” pou zot kapav faire face ar bann l’epreuve ki surement zot pou gagné. (Col. 2:6, 7; 2 Tim. 3:12; 1 Pierre 5:8, 9) En plus, pou zot kapav enseigne lezot dan enn fason efficace zot bizin ena “enn connaissance exact lor la verité.” (1 Tim. 2:4) Kan nou fini sa deux livre-la avek nou bann etudiant, nou pé aide zot pou gagne enn base solide lor “chemin ki amenn vers la vie.”​—Mat. 7:14.

Avant ki bann ancien donne enn dimoune bapteme, zot bizin assure-zot ki li bien comprend bann l’enseignement de base ki ena dan la Bible ek ki li pé vive en accord avek sa. Bann ancien bizin donne plus l’attention kan zot pé examine situation enn etudiant ki pa’nn fini so premier livre l’etude. Si enn kikenn pankor pré pou bapteme, bann ancien pou faire sur ki li gagne l’aide ki li bizin pou ki dan l’avenir li kapav qualifié pou gagne bapteme.​—Guette livre Organisés pour faire la volonté de Jéhovah, page 217-218.

[L’encadré page 2]

Li bien important ki bann nouveau gagne enn bon base dan la verité