Ed Zot Vinn “Stab dan Lafwa”

Nou bien kontan pou trouve kouma Jéhovah pe beni travay pou rasanble bann dimounn dan so pep, parski sak lane plis ki 250,000 dimounn pe pran batem. (Deut. 28:2) Kan enn proklamater inn fini ed enn etidian ziska batem, kitfwa li pou ena tandans pou aret letid sa etidian-la ek konsantre lor lezot. Etidian-la osi kapav ena tandans pou aret so letid pou pas plis letan dan so minister. Selman, li inportan ki bann etidian Labib ena enn bon baz dan laverite. Zot bizin “anrasine” dan Christ ek “stab dan lafwa.” (Col. 2:6, 7; 2 Tim. 3:12) Alor, apre ki enn etidian inn pran batem, li bizin kontign so letid Labib ziska ki li fini liv Ki Labib Ansegne? ek liv L’amour Bondié toulede.​—Get Ministere du Royaume Avril 2011, paz 2.