‘Offert enn vié periodik ou-soit n’importe ki brochure ki interesse enn dimoune’

Pendant bann mois ki nou offert livre Ki la Bible enseigné vrai-mem? ek nou commence enn l’etude premier fois ki nou joinde enn dimoune, nou encouragé pou ‘offert enn vié periodik ou-soit n’importe ki brochure ki interesse sa dimoune-la’, si dimoune-la deja ena livre-la ek li pa accepté enn l’etude. Kifer?

Dan bann brochure ek dan bann vié periodik ena bann sujet ki encore bien utile zordi. Enn sa bann publication-la kapav touche leker dimoune-la. Alors, kan nou prepare nou sac predication, pa blié bann brochure ek bann vié periodik. Si nou pena bann vié periodik kitfois nou kapav gagne enn-deux lor comptoir publication. Mais si dimoune-la deja ena livre Ki la Bible enseigné vrai-mem? ek li pa accepté enn l’etude, nou kapav montré li bann periodik ou-soit bann brochure ki nou ena avek nou ek invite li pou choisir seki interesse li. Apré sa, mette enn rendez-vous coumsa ou kapav contigne suive so l’interet. Ki koné kitfois, enn l’etude kapav commencé!