Servi Bien Bann Vie Magazinn

Personn pa tir profi kan nou ramas bann vie magazinn ouswa nou zet zot, alor li pli bon ki nou esey plas zot. Enn sel magazinn ase pou fer enn dimounn anvi konn laverite ek pous li pou koumans servi nom Jéhovah. (Rom. 10:13, 14) Dan bann paragraf apre to pou trouv bann sigzesion ki pou ed twa pou servi bien bann vie magazinn.

• Kan to pres dan bann teritwar ki pa travay souvan, kitfwa to kapav kit enn magazinn kot bann absan, dan enn plas kot bann pasan pa pou trouve.

• Kan to pres dan bann plas piblik kot bann dimounn pe atann, kouma par exanp lor bistop, demann bann dimounn si zot ti pou kontan gagn kitsoz pou lir. Montre zot plizir vie magazinn ek les zot swazir.

• Kan to pe al vizit bann home, bann klinik, ouswa bann lezot landrwa koumsa ki trouv dan teritwar to kongregasion, to kapav les de-trwa vie magazinn dan lasal-datant. Me avan ki to fer sa, li pou bon ki to demann permision sa kikenn ki ansarz-la. Si to trouve ki deza ena bann magazinn laba, pa bizin kit ankor.

• Kan to pe prepar to bann vizit, esey mazine ki kitsoz pou interes sak dimounn. Eski li ena enn fami? Eski li kontan vwayaze? Eski li kontan okip so zardin? Rod dan bann vie magazinn si ena enn size ki pou interes li, ek propoz li sa magazinn-la kan to revinn get li.

• Fer koumadir plizir fwa to’nn vizit enn dimounn ki interese, me zame li la. Alafin, to reisi zwenn li. To kapav propoz li bann vie magazinn ki li’nn rate.