Les Témoins de Jéhovah — la foi en action, 1re partie : la sortie des ténèbres
La Bible associé la lumiere avek la verité, alors ki noirté li associé avek seki fausse. (Ps. 43:3; Is. 5:20) Kan Satan finn trompe Ève, c’est lerla ki li finn mette bann premier humain dan noirté, ek finalement li’nn mette l’humanité dan enn grand marénoir. (Rév. 12:9) DVD Les Témoins de Jéhovah — la foi en action, 1re partie : la sortie des ténèbres raconté couma la lumiere spirituel inn sorti dan noirté. (Is. 60:1, 2) Kan ou fini guette sa DVD-la, eski ou kapav reponn sa bann question-la?
(1) Couma enn grand marénoir spirituel finn developpé apré la mort bann zapotre? (2) Dan commencement bann l’année 1100, ki bann l’evenement finn aide bann dimoune pou discerné ki bann religion pa ti pé enseigne la verité? (3) Kisannla Henry Grew ek George Storrs? (4) Ki l’evenement dan la vie Charles Russell finn ena enn grand l’effet lor li? (5) Couma frere Russell, so papa, ek certain dimoune ki zot ti koné ti etudié la Bible en groupe, ek ki conclusion biblik zot finn tiré? (6) Kifer sa groupe l’etude la Bible-la finn vinn ensam avek groupe Nelson Barbour, mais ki kitsoz inn faire frere Russell retire-li? (7) En juillet 1879, ki kitsoz finn arrivé ki finn amenn enn grand changement en rapport avek la lumiere spirituel? (8) Sa lepok-la, quantité bann Etudiant la Bible ti pé augmenté. Ki zot ti faire pou partage la bonne nouvelle? (9) Plusieurs l’année avant, ki bann Etudiant la Bible ti pé attann pou arrivé en 1914? (10) Ar ki probleme bann Etudiant la Bible ti bizin faire face kan frere Russell ti mort? (11) Ki bann Etudiant la Bible ti faire apré ki frere Rutherford ek so bann compagnon ti sorti dan prison? (12) Couma sa DVD-la inn aide ou comprend pli bien l’organisation Jéhovah ek augmente ou reconnaissance pou li? (13) Couma sa DVD-la finn renforci ou determination pou contigne preché avek zele malgré bann obstacle? (14) Couma nou kapav servi sa DVD-la pou aide nou bann famille, nou bann l’etude, ek lezot dimoune?
Pena doute ki sa bann premier Etudiant la Bible-la inn quitte enn l’heritage spirituel ki ena beaucoup valeur pou nou! Avek courage ek zele, zot finn amenn la lumiere dan enn le monde ki dan noirté lor plan spirituel. Anou imite zot l’exemple ek “contigne marche couma bann zenfant la lumiere.”—Éph. 5:8.